Fjalori
NATYRSHËM

NATÝRSH/ËM (i), ~ME (e) mb. 1. Që bëhet sipas rregullsive e ligjeve të natyrës, që kryhet pa përdorur mjete a ndërhyrje të jashtme; që është sipas natyrës dhe ligjeve të saj, natyror; kund. i panatyrshëm. Zhvillim (proces) i natyrshëm. Vdekje e natyrshme. Element i natyrshëm i një krenarie të ligjshme kombëtare.
2. Që pranohet se është në përputhje me rregullat e zakonshme të jetës, normal. Kërkesa të natyrshme. Është e natyrshme është e drejtë, me vend, kuptohet vetvetiu. Me stil të qartë, të rrjedhshëm, të natyrshëm. Projektligji vjen si një vijim i natyrshëm i punës. Rotacioni politik është një proces i natyrshëm në demokraci.
3. Që kuptohet vetvetiu; që është i vetvetishëm e i zakonshëm, pa stërhollime ose diçka tjetër të tepërt; i thjeshtë e i çlirët, jo i shtirë. E qeshur e natyrshme. Lëvizje e natyrshme. Sjellje e natyrshme. Në mënyrë të natyrshme. Ky libër është si një lis i natyrshëm.
✱Sin.: natyror, natyral, normal, i vetvetishëm, i zakonshëm, i vetëlindur, i thjeshtë, i çlirët.

NATYRSHËM

NATÝRSHËM ndajf. Në mënyrë të vetvetishme e të zakonshme, pa stërhollime e teprime, në mënyrë të thjeshtë e të çlirët, pa u shtirë; kund. çnatyrshëm. Flet natyrshëm. Luan natyrshëm (për një aktor). Natyrshëm lindte pyetja. Fjalët i vijnë vetiu, natyrshëm, rrjedhshëm. Çdo gjë i vinte natyrshëm. Krejt natyrshëm, do të mund të flisnim. Krejt natyrshëm do t’i vijë koha.
✱Sin.: vetvetiu, vetiu, pavetëdijshëm, çlirët, shpenguar, thjesht.

Rezultate të ngjashme

NATYRSHMËRI

NATYRSHMËRÍ,~A f. Cilësia e atij që është i natyrshëm, ose e diçkaje që bëhet në mënyrë të vetvetishme e pa stërhollime, të qenët i thjeshtë e i çlirët. Natyrshmëri sjelljesh. Naty…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë