Fjalë që fillojnë me...
Fjalë me të njëjtat parashtesa ose tema fjalëformuese.
NË́NTË num. 1. Numri që vjen menjëherë pas tetës, që shënon një sasi të barabartë me tetë edhe një. Nëntë veta. Nëntë herë. Nëntë orë (ditë, javë, muaj, vjet). Në orën nëntë. Nëntë të dhjetat. Tre shumëzim për tre bëjnë nëntë. E ndaj në nëntë pjesë. I plotpjesëtueshëm me nëntë.
2. përmb. NË́NTË (të) m. dhe NË́NTA (të) f. Nëntë së bashku a menjëherë. Dolën të nëntë lojtarët. I vuri të nënta.
3. si mb. I nëntë. Dhoma (salla) nëntë. Kabina nëntë. Hyrja nëntë.
NË́NT/Ë,~A f. sh. ~A, ~AT 1. Shifra nëntë (9); sasia që shënohet me këtë shifër. Shkruaj nëntën. Mbledh dy nënta. Heq dy nga nënta.
2. Send a njeri, që shënohet me shifrën nëntë. Nënta spathi (në letra). Nënta gjuajti me kokë. sport.
3. Nota 9 në sistemin shkollor të vlerësimit të dijeve deri në dhjetë. Mori një nëntë. I vuri nëntë. I doli mesatarja nëntë.
NË́NTË (i, e) mb. 1. Që i përgjigjet numrit nëntë në një varg njerëzish a sendesh, në një radhë a renditje, në një klasifikim etj., që vjen menjëherë pas të tetit. Muaji i nëntë. Radha (banka) e nëntë. Dita e nëntë. Lojtari i nëntë.
2. si em. f. Një nga të nëntë pjesët e barabarta në të cilat është ndarë një e tërë. Një e nënta. Tri të nëntat.
3. si em. Ai që i përgjigjet numrit nëntë në një varg të pandërprerë njerëzish a sendesh, në një radhë a renditje, në një klasifikim etj., ai që vjen menjëherë pas të tetit. Doli i nënti. Ishte në të nëntin në muajin e nëntë të barrës. Ikën të nëntë.
♦ Sikur është në të nëntin (dikush) shaka. ngutet shumë, përpiqet të bëjë shpejt e shpejt një punë; nuk ka durim (thuhet zakonisht për një burrë); sikur iu përcollën gjinjtë (dikujt) shaka.
NËNTË- fjalëform. Pjesë e parë e fjalëve të përbëra me kuptimin: “që ka nëntë pjesë, njësi etj. përbërëse të një fare”, p.sh.: nëntëditësh, nëntënetësh, nëntëkatësh, nëntëvjeçar et…
Shfaq përkufizimin e plotë →NË́NTËS,~E mb. Që vepron nën të, që vepron prapa krahëve. Njeri nëntës.
Shfaq përkufizimin e plotë →NË́NTËS,~I m. sh. ~A, ~AT Ai që vepron nën të, ai që vepron prapa krahëve. Ruhu nga nëntësit.
Shfaq përkufizimin e plotë →NËNTÁR,~I m. sh. ~Ë, ~ËT Subjekt, qytetar (i një shteti).
Shfaq përkufizimin e plotë →NË́NTAT (të) f. sh., fet., vjet. Dita e nëntë pas vdekjes së dikujt, që përkujtohet nga të afërmit; dreka a darka që shtrohet me këtë rast. Kishte (i bënë) të nëntat.
Shfaq përkufizimin e plotë →NËNTÉM/Ë,~A f. sh. ~A, ~AT Temë që nuk është kryesore, temë dytësore ose ndihmëse Nëntemë e disertacionit. Në këtë nëntemë do të gjeni informacion për… Nëntemë e veçantë, për të pr…
Shfaq përkufizimin e plotë →NËNTÍP,~I m. sh. ~A, ~AT spec. Secila nga nënndarjet e një tipi; një grup që formon një tip brenda një tipi më të madh; nënlloj. Nëntipat e tokave. bujq. Nëntipat e fjalëve të përb…
Shfaq përkufizimin e plotë →NË́NTJ/E,~A f. sh. ~E, ~ET 1. Krehër i avlëmendit që nxë nëntë krerë të pëlhurës. 2. Pëlhurë që endet me krehër të tillë.
Shfaq përkufizimin e plotë →NËNTÓR,~I m. Muaji i njëmbëdhjetë i vitit, që vjen pas tetorit; vjeshtë e tretë, brymë. Ditë nëntori. Festat e nëntorit. Shirat e nëntorit. Më 28 nëntor.✱Sin.: brymës, brymor, shëm…
Shfaq përkufizimin e plotë →NËNTRÁ,~U m. sh. ~RË, ~RËT arkit. Tra i dytë, që vihet nën një tra kryesor me qëllimin që ndërtesa t’i rezistojë forcave si erërat, lëkundjet sizmike dhe ngarkesa të tjera.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë