Fjalë që fillojnë me...
Fjalë me të njëjtat parashtesa ose tema fjalëformuese.
MUSTÁQ/E,~JA f. kryes. sh. ~E, ~ET 1. Tufë qimesh të gjata mbi buzën e sipërme të burrit. Mustaqe të gjata (të mëdha, të holla, të dendura). Mustaqe të zeza (të verdha, të thinjura). Mustaqe të dredhura (të përdredhura). Mustaqe të varura. Mustaqe si bigë (si shtëllungë). Maja e mustaqeve. Lë mustaqe. Pres (rruaj) mustaqet. I shkuli mustaqet. Fshiu mustaqet. I ka mustaqet vesh me vesh i ka mustaqet shumë të gjata. S’lind burri me mustaqe. (fj. u.) nuk bëhet çdo gjë menjëherë, asgjë nuk vjen e gatshme; duhet mund e përpjekje për të bërë një punë të vështirë.
2. Qimet që kanë në të dy anët e buzëve të sipërme disa kafshë dhe që u shërbejnë atyre si organ ndijimi. Mustaqet e maces (e qenit, e lepurit, e miut). Mustaqet e krapit (e fokës, e blinit).
3. Tufa e fijeve që nxjerr në majë kalliri i misrit, qimet e kallirit të misrit; fije të holla si qime që lëshojnë kallinjtë e disa bimëve. I heq mustaqet e njoma kallirit të misrit.
♦ Me një *barrë mustaqe. S’i ka djersitur mustaqja (dikujt) është i ri akoma, nuk është rritur ende, nuk është burrëruar (për një djalë të ri); është akoma i papjekur; nuk është rrahur me jetën. Fshiji mustaqet për murrizi (pas murrizit) iron. shih fshiji buzët për murrizi (pas murrizit)! iron. (U zunë) për mustaqet e Çelos u zunë kot së koti, për hiçmosgjë; (u zunë) për mjekrën e qoses; (u zunë) për pesë para spec; (u zunë) për bishtin e dhelprës; (u zunë) për të bardhat e laraskës; (u zunë) për një lëkurë lepuri; e lagu s’e lagu (bishtin dhelpra). Ia preu mustaqet (dikujt) e qortoi ashpër, e turpëroi keq, ia mori nderin; i mori fytyrën; s’i la sy e faqe ia nxiu faqen; i la hijen e marres. I shkon *miu në mustaqe (dikujt). I janë varur mustaqet (dikujt) iron. është turpëruar, e ndien veten me turp; e ka ulur kokën (dikush).
MUSTAQEBRÍ mb. m. Që i ka mustaqe të drejta anash, që i ka mustaqet si bri.
Shfaq përkufizimin e plotë →MUSTAQECÚB mb. m. Që i ka prerë mustaqet dhe ka lënë vetëm pjesën nën hundë, që i ka mustaqet si cub.
Shfaq përkufizimin e plotë →MUSTAQEKÚQ mb. m. 1. Që i ka mustaqet si të kuqe. Misër mustaqekuq.2. si em. ~I m. sh. ~Ë, ~ËT Burrë që i ka mustaqet të kuqe. Ai njihej me pseudonimin ‘mustaqekuqi’. Foli edhe mus…
Shfaq përkufizimin e plotë →MUSTAQELÍ mb. m. Që mban mustaqe (për një djalë ose burrë). Burrë mustaqeli.
Shfaq përkufizimin e plotë →MUSTAQELÍ,~U m. sh. ~NJ,~NJTË Ai që mban mustaqe (për një djalë ose burrë). Mustaqeliu që udhëhiqte turmën. Tregtarë mustaqelinj.
Shfaq përkufizimin e plotë →MUSTAQEMÍ mb. m. mospërf. Që i ka mustaqet të rralla, me mustaqe si të miut.
Shfaq përkufizimin e plotë →MUSTAQÉR,~I m. sh. ~Ë, ~ËT zool. Buzaku.
Shfaq përkufizimin e plotë →MUSTAQEZÍ mb. m. Që i ka mustaqet të zeza. Ky ishte një burrë mustaqezi pa kapelë. Trishtili mustaqezi.
Shfaq përkufizimin e plotë →MUSTAQEZÍ,~U m. sh. ~NJ, ~NJTË 1. Burrë që i ka mustaqet të zeza.2. bot. Lloj gruri me hala të zeza.
Shfaq përkufizimin e plotë →MUSTÁQKA,~T vet. sh. Mustaqe të holla e të paformuara mirë. Djalë i ri me mustaqka të holla. Edhe kish një palë mustaqka!
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë