Fjalori
MPIJ

MPI/J vep., ~VA, ~RË kal. 1. Bëj që të mpihet (trupi a një pjesë e tij), e bëj të mos ndiejë më a t’i ndiejë fare pak ngacmimet e ndryshme, bëj që të humbasë ndjeshmërinë, e kthej në diçka si të ngrirë; e ngrij, e topit. Më mpiu krahun (këmbën). Ia mpiu duart ujët e ftohtë (akulli). Ia mpinë dhëmbët (pemët e papjekura). Ia mpinë krahun (këmbën) me gjilpërë (me ilaç). Ia mpinë vendin e plagës. Bën një të ftohtë që të mpin.
2. vet. v. III E bëj të humbasë aftësinë për t’u rritur e për t’u zhvilluar, e bëj të humbasë gjallërinë e njomësinë; e fishk (për bimët ose për pjesë të tyre). I mpiu farat (lulet, pemët) ngrica.
3. E bëj që të mos presë më ose të presë me shumë vështirësi, e topit (për tehun e një prese). E mpiu thikën duke prerë bukë të nxehtë.
4. fig. Bëj që të humbë aftësinë për të vetëvepruar; ia pres fuqitë, e bëj të humbë gjallërinë, hovin, vrullin, besimin etj.; e bëj të bjerë në plogështi, e ndrydh, e topit; paralizoj. Ia mpiu mendimin krijues. U ka mpirë energjitë. I kishte mpirë frika. Kërkonin ta mpinin jetën e organizatës.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë