Fjalë që fillojnë me...
Fjalë me të njëjtat parashtesa ose tema fjalëformuese.
MORÁL,~E mb. 1. Që lidhet me moralin si tërësi e parimeve, e normave dhe e rregullave që përcaktojnë sjelljen e njeriut në shoqëri; që i përket moralit, i moralit; që bëhet sipas këtyre parimeve, normave e rregullave; i moralshëm. Parime (norma, kërkesa, rregulla) morale. Vlera (veti, cilësi) morale. Figura morale e dikujt. Pastërtia morale. Edukatë morale. Detyrim moral. Stimul moral stimul jomaterial (lavdërim, dekorim etj.) që përdoret si mjet i fuqishëm nxitës në jetë e në punë.
2. Që lidhet me nderin, me sjelljen e ndershme a të pandershme të dikujt, që i përket moralit të dikujt. Mbajti qëndrim moral të mirë (të keq). Përflitet për shthurje morale.
3. Që lidhet me forcat e brendshme, të cilat e shtyjnë njeriun të veprojë, të qëndrojë a të plotësojë një detyrë; që ka të bëjë me gjendjen e brendshme, shpirtërore të dikujt, që shpreh këtë gjendje. Forcë morale. Gjendja morale. Ngritja (rënia) morale. Ndihmë (përkrahje, nxitje) morale. Kënaqësi morale.
MORÁL,~I m. 1. Tërësia e parimeve, e normave dhe e rregullave që janë krijuar e që ndryshojnë historikisht në kushte të caktuara ekonomiko-shoqërore dhe që përcaktojnë sjelljen e veprimtarinë e njerëzve në shoqëri; vetë sjellja e qëndrimi i njeriut sipas këtyre parimeve, normave e rregullave. Morali shoqëror. Kërkesat e moralit. Parimet e moralit. Mendoni se politika dhe morali kanë pajtueshmëri?
2. keq. Këshilla që përsëriten e bëhen të mërzitshme, predikim i zbrazët për parimet, normat, rregullat, sipas të cilave duhet të sillet dikush. Shet moral. - Moral po na bën?! Na lodhi me moral. Vetëm moral di të bëjë.
3. Mësim a përfundim logjik që nxjerrim nga një ngjarje a nga diçka tjetër dhe që na ndihmon në jetën e në veprimtarinë tonë. Morali i fabulës (i tregimit, i përrallës).
4. Nder; sjellje e ndershme, ndershmëri. Ruaj moralin e familjes. Është grua (burrë) me moral të lartë. Ishte njeri me moral të keq. Ata të dy u prishën (u ndanë) për çështje morali. Ky veprim prek moralin e një vendi (të një kombi).
5. Tërësia e forcave të brendshme që e shtyjnë njeriun të veprojë, të qëndrojë a të plotësojë një detyrë, gjendja e brendshme shpirtërore e dikujt. Lojtarët e kishin moralin të lartë (të ulët). Si është morali i ushtrisë (i skuadrës, i shokëve)? Fitorja ua ngriti moralin.
MORALÍSHT ndajf. Nga ana morale, nga morali. E ka fituar betejën e tij edhe moralisht. Është i pastër moralisht. Qëndron lart moralisht. Bie (ngrihet, forcohet) moralisht. E sulmoj…
Shfaq përkufizimin e plotë →MORALÍST,~E mb. 1. Që merret me çështje të moralit si student a si mësues i kësaj fushe të filozofisë. Një teoricien moralist.2. Që është në përputhje me normat dhe parimet morale …
Shfaq përkufizimin e plotë →MORALÍST,~I m. sh. ~Ë, ~ËT 1. Ai që merret me çështjet e moralit si student a si mësues, me parimet, me normat e me rregullat që përcaktojnë sjelljen e njeriut në shoqëri. Siç ka t…
Shfaq përkufizimin e plotë →MORALÍST/E,~JA f. sh. ~E, ~ET 1. Ajo që merret me çështjet e moralit si studente a si mësuese, me parimet, me normat e me rregullat që përcaktojnë sjelljen e njeriut në shoqëri.2. …
Shfaq përkufizimin e plotë →MORALITÉT,~I m. sh. ~E, ~ET 1. Parimet në lidhje me dallimin midis sjelljes së drejtë dhe të gabuar, midis sjelljes së mirë dhe të keqe. Në përputhje me moralitetin e popujve të qy…
Shfaq përkufizimin e plotë →MORALIZÍM,~I m. sh. ~E, ~ET 1. Veprimi kur moralizoj ose kur moralizohet. Moralizimi i përrallëzave bie në sy nga vetë përmbajtja e tyre.2. keq. Këshillë morale që përsëritet e bëh…
Shfaq përkufizimin e plotë →MORALIZ/ÓJ vep., ~ÓVA, ~ÚAR 1. Flas për parimet e moralit, trajtoj çështje që lidhen me moralin. Tendenca e tij ishte për ta moralizuar bisedën.2. keq. I jap dikujt këshilla morale…
Shfaq përkufizimin e plotë →MORÁJ/Ë,~A f. Maraji.
Shfaq përkufizimin e plotë →MORÁVKË mb. f. Që bën dardha shumë të ngjashme me dardhat ujëse. Dardhë moravkë.
Shfaq përkufizimin e plotë →MORÁÇ/Ë,~A f. sh. ~A, ~AT bot. Kopër.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë