Fjalë që fillojnë me...
Fjalë me të njëjtat parashtesa ose tema fjalëformuese.
MONOPÓL,~I m. sh. ~E, ~ET 1. ek. Kontroll ekskluziv i tregut. Heqja e monopolit të një kompanie të vetme mbi disa shërbime telefonike. Ka monopolin. Ka vendosur monopolin. Fitoi monopolin për linjat ajrore. Ruajtja (mbajtja) e monopolit. Përqendrimi i prodhimit në pak duar çon në monopole.
2. ek. Kompani, grup a individ që ka kontroll ekskluziv mbi një aktivitet tregtar. Monopolet e mëdha. Monopolet ndërkombëtare. Monopolet për shfrytëzimin e qymyrgurit (e naftës). Sundimi i monopoleve. Konkurrenca ndërmjet monopoleve. Çmime monopoli çmime që e kalojnë çmimin e prodhimit të mallrave dhe vlerën e tyre, çmime shumë të larta që përdoren nga monopolet për të nxjerrë fitime sa më të mëdha.
3. drejt. E drejtë ekskluzive a privilegj që i jepet nga shteti një individi, një kompanie etj. për të blerë, për të prodhuar, për të përdorur ose për të shitur një mall a shërbim ose për të bërë tregti një zonë a vend të caktuar. Vendosja e monopolit shtetëror mbi pijet alkoolike. Kompania e tij ka marrë monopolin e naftës. Pullë monopoli pullë që vihej në qarkullim e shitej vetëm nga shteti dhe ngjitej detyrimisht në dokumente të ndryshme zyrtare.
4. fig., libr. Zotërim a kontroll i plotë që ka dikush ndaj diçkaje në një fushë të caktuar. S’e ka monopol. Drejtimi në biznes s’është monopol i burrave. Askush nuk e ka monopolin e së vërtetës. Dijet nuk janë më monopol i pak vetave. Theu monopolin e armëve bërthamore.
MONOPÓL mb. Që kontrollohet ekskluzivisht nga një individ, grup a kompani. Mall monopol.
MONOPOLÁR,~E mb., fiz. Që ka vetëm një pol ose vetëm një elektrodë (zakonisht për përcjelljen elektrike); njëpolar.
Shfaq përkufizimin e plotë →MONOPOLÍST,~E mb. Që lidhet me monopolet ose me monopolistët, që u përket monopoleve ose monopolistëve, i monopolit ose i monopolistëve; që ka karakterin e një monopoli ose që bëhe…
Shfaq përkufizimin e plotë →MONOPOLÍST,~I m. sh. ~Ë, ~ËT Ai që ka monopolin në një fushë të caktuar. Një çmim që mund të përcaktohet nga një monopolist. Një grup i vogël monopolistësh. Lufta ndërmjet monopoli…
Shfaq përkufizimin e plotë →MONOPOLÍST/E,~JA f. sh. ~E, ~ET Ajo që ka monopolin në një fushë të caktuar. Ndërmarrjet e mëdha shtetërore vepronin si monopoliste me akses të pakufizuar.
Shfaq përkufizimin e plotë →MONOPOLIZÍM,~I m. Veprimi dhe gjendja kur monopolizoj ose kur monopolizohet diçka. Monopolizimi i prodhimit (i shitjes).
Shfaq përkufizimin e plotë →►MONOPOLIZ/ÓHET jovep., ~ÚA (u), ~ÚAR pës., vet. v. III e MONOPOLIZÓJ.
Shfaq përkufizimin e plotë →MONOPOLIZ/ÓJ vep., ~ÓVA, ~ÚAR 1. ek. Vë nën zotërimin dhe nën kontrollin e një monopolisti; bashkoj a shkrij në një monopol; e bëj monopol, vendos monopolin në një fushë të ekonomi…
Shfaq përkufizimin e plotë →MONOPOLIZÚAR (i, e) mb. Që është monopolizuar; që monopolizohet. Treg i monopolizuar.
Shfaq përkufizimin e plotë →MONOPOLIZÚES,~E mb. Që monopolizon diçka, që ka synim të monopolizojë diçka. Ka përdorur qëndrim monopolizues në treg.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë