Fjalë që fillojnë me...
Fjalë me të njëjtat parashtesa ose tema fjalëformuese.
MIRATÚAR (i, e) mb. Që është pranuar zyrtarisht si i drejtë, i rregullt, i lejueshëm etj.; që është pranuar si i vendosur përfundimisht. Vendim i miratuar. Plani i punës i miratuar. Program i miratuar nga ministria. Ligji i miratuar. Platformë e miratuar me konsensus.
✱Sin.: i pranuar, i pëlqyer, i aprovuar, i lejuar, i përkrahur.
MIRAT/ÓJ vep., ~ÓVA, ~ÚAR kal. 1. Pëlqej një veprim a një sjellje dhe shpreh përkrahjen për të, e pranoj diçka si të mirë; pajtohem me diçka dhe e quaj të drejtë. Ia miratoi mendimin (fjalët). E miratoi plotësisht (me gjithë zemër). Miratonte me kokë. Nuk e miraton qëndrimin e tij.
2. E pranoj diçka zyrtarisht si të drejtë, si të rregullt, si të lejueshme etj.; e pranoj një gjë si të vendosur përfundimisht, shpreh pëlqim të plotë për diçka. Miratuan planin (vendimin, ligjin, projektin). Miratuan rendin e ditës. Miratuan raportin. E miratuan njëzëri në kuvend.
✱Sin.: pranoj, pëlqej, aprovoj, pohoj, lejoj, përkrah.
MIRATÚES,~E mb. Që shpreh miratimin dhe pëlqimin për diçka, që e pranon, që e miraton. Qëndrim miratues. Thirrje (fjalë, pëshpëritje, përgjigje) miratuese. Vështrim (shikim) miratu…
Shfaq përkufizimin e plotë →MIRATÚES,~I m. sh. ~, ~IT Ai që miraton dikë a diçka, ai që shpreh miratim. Një miratues i bindur i rregullave. Miratuesit e kushtetutës. Për miratuesit e ligjit.
Shfaq përkufizimin e plotë →MIRATÚES/E,~JA f. sh. ~E, ~ET Ajo që miraton dikë a diçka, ajo që shpreh miratim. Është nxitësja dhe miratuesja e kësaj ideje.
Shfaq përkufizimin e plotë →MIRATUESHMËRÍ,~A f. Të qenët i miratueshëm, diçka që mund të miratohet. Për punën e presidentit kishte miratueshmëri të madhe.
Shfaq përkufizimin e plotë →MIRATÚESH/ËM (i), ~ME (e) mb. Që mund të miratohet, që është i pëlqyeshëm ose i pranueshëm. Propozimi i tij është i miratueshëm. U kërkua një ndryshim i miratueshëm nga parlamenti.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë