Fjalë që fillojnë me...
Fjalë me të njëjtat parashtesa ose tema fjalëformuese.
MI/K,~KU m. sh. ~Q, ~QTË 1. Ai me të cilin kemi miqësi; ai që na do të mirën, na ndihmon me gjithë zemër e na gjendet në çdo nevojë; një i njohur, me të cilin kemi lidhje të ngushta, njeri i afërt; kund. armik. Mik i ngushtë (i vërtetë, i shtrenjtë). Mik i rremë. Mik i vjetër (i hershëm). E kam mik. Jemi miq prej shumë kohësh. E ka zënë (e ka bërë) mik. Miq e dashamirë. Mik me (për) kokë mik shumë i dashur e i ngushtë. Hiqet si mik. Mik i familjes (i shtëpisë) njeri shumë i afërt i familjes. E rregulloi me mik (me anë miku) e rregulloi me ndihmën e një të njohuri, me rrugë të tërthorta e jo të drejta. I futi një mik bëri që të ndërhyjë një i njohur i tij për të rregulluar një punë, duke ndjekur kështu një rrugë jo të drejtë. Ia gjeti anën mik mbas miku gjeti mënyrën për të bërë diçka me ndihmën e miqve të miqve të tij. Mik për fiq (bised.) ai që shtihet si mik i dikujt për të nxjerrë përfitime prej tij, mik i rremë. Miku i mirë njihet në të vështirë. (fj. u.). Më mirë një mik (besnik), se një çiflig. (fj. u.). Mikut ankoju, armikut lëvdoju. (fj. u.). Më mirë pa miq, se me miq të ligj. (fj. u.). Hekuri njihet në zjarr, miku në nevojë. (fj. u.). Kur m’u dogjën mullarët, njoha miqtë e kumbarët. (fj. u.).
2. Ai që përkrah, ndihmon ose mbron dikë, dashamir; popull, vend, shtet etj., me të cilin kemi marrëdhënie të mira miqësore. Mik i Shqipërisë. Miqtë e vendit tonë. Kemi miq në gjithë botën.
3. Mysafir që vjen për të bujtur në shtëpi; ai që ftohet për të marrë pjesë në një festë etj. Mik i huaj (i largët). Mik i rëndë mik që kërkon ta presësh më shumë të mira e ndere. Miq të nderuar! Dhoma e miqve. I veshur si për mik i veshur me rroba të reja. Mbrëmë patëm dy miq nga qyteti (nga fshati). Mori edhe një mik pas vetes. A do miq, o i zoti i shtëpisë? Pret e përcjell miq. Si miku edhe lakrori (sofra). (fj. u.). Si është miku, bëhet petaniku. (fj. u.). Mikun prite e nderoje, po mos e bëj zot shtëpie! (fj. u.)
4. sport., vet. sh. Skuadër lojtarësh të një klubi, të një rrethi a vendi tjetër, që ndeshet me skuadrën vendëse; kund. vendësit. Miqtë fituan (humbën) dy me zero.
5. etnogr. Secili nga meshkujt e familjes së nuses (babai, vëllai etj.) kundrejt njerëzve të dhëndrit. E bëri mik.
6. Përkrahës e mbrojtës i diçkaje, dashamir; ai që është shumë i dhënë pas diçkaje. Mik i punëtorëve (i të rinjve, i fëmijëve). Mik i madh i kafshëve. Mik i përparimit (i lirisë, i së vërtetës). Mik i artit. Miqtë e librit. Miku i detit. I dhanë titullin ‘Miku i librit’.
7. bised. Dikush, të cilit nuk ia dimë emrin ose nuk duam t’ia përmendim; një njeri. E takove atë mikun? Kush ishte ai mik? Dje erdhi edhe ai miku.
8. bised. Dashnor, i dashur. Kishte zënë një mik. E kishte mik të zemrës.
9. bised. Përdoret bashkë me fjalën ‘lum’, kur i drejtohemi një njeriu, të cilit nuk ia dimë emrin ose një bashkëbiseduesi të zakonshëm. - Kështu, lum miku! - Besa, more lum miku, as unë nuk e di. - S’i the, lum miku? - Po, lum miku, i mirë ka qenë.
10. Këmbaleci drurit ku mbështeten drutë për t’i prerë a për t’i sharruar.
✱Sin.: mirëdashës, dashamir, mysafir, bujtës, i ftuar, mbrojtës, përkrahës, i dashur, dashnor, jaran, akraba, krushk.
♦ E bëj *petanikun si të jetë miku. Kujto mikun e bëj gati dashin thuhet kur papritur vjen dikush, të cilin sapo e kemi përmendur dhe që e duam, e mirëpresim; kund. kujto qenin e bëj gati shkopin keq. Kujto mikun bëj gati petanikun shih kujto mikun e bëj gati dashin. Mik për kokë njeri shumë i besuar, besnik. E lau mikun (vëllanë) etnogr. shih te LAJ 7.
MÍK/E,~JA f. sh. ~E, ~ET 1. Ajo me të cilën kemi miqësi; ajo që na do të mirën, na ndihmon me gjithë zemër e na gjendet në çdo nevojë; një e njohur me të cilën kemi lidhje të ngush…
Shfaq përkufizimin e plotë →MIKLÍM,~I m. sh. ~E, ~ET 1. kryes. sh. Fjalë e mënyra të ëmbla që përdoren për të përkëdhelur dikë, ledha, përkëdheli. Flet me miklime.2. Lajka. Donte ta shmangte miklimin. Ia mori…
Shfaq përkufizimin e plotë →MIKL/ÓJ vep., ~ÓVA, ~ÚAR kal. 1. E përkëdhel duke e lëmuar a duke i shkuar dorën me dashuri mbi kokë, mbi supe etj., ledhatoj. I miklonte flokët mbesës (fëmijës). I mikloi kokën (b…
Shfaq përkufizimin e plotë →MÍKRO mb. Që është në nivel bazik, i ulët, i vogël; kund. makro. Vendime ekonomike në nivel mikro. Niveli mikro i kërkimit. Faktorët mikro që ndikojnë në strategjinë e biznesit.
Shfaq përkufizimin e plotë →MIKS,~E mb. Që përbëhet nga njerëz, objekte ose elemente të ndryshme të cilët kombinohen dhe japin si rezultat një gjë të vetme; i përzier. Grup miks. Asamble mikse. Në komisionin …
Shfaq përkufizimin e plotë →MIKS,~I m. sh. ~E, ~ET 1. Kombinim i elementeve të ndryshme, përzierje. Miks i energjive. Miks i punëve financiare.2. Diçka që përbëhet nga njerëz, objekte, ushqime ose elemente të…
Shfaq përkufizimin e plotë →MIKST,~I m., muz. Regjistër i zërit vokal, që ndodhet midis regjistrit të kokës dhe atij të gjoksit.
Shfaq përkufizimin e plotë →MIKTH,~I m. sh. ~A, ~AT 1. Mik i vogël. Mikthi im i dashur, nuk kam gjë tjetër për të thënë. Ia fali tokën një mikthi.2. zool. Bulkth.
Shfaq përkufizimin e plotë →MÍK/Ë,~A f., min. Mineral i përbërë nga silikati i aluminit, që gjendet zakonisht nëpër shkëmbinj vullkanikë në trajtë petësh e leskrash të tejdukshme dhe me shkëlqim si të qelqit,…
Shfaq përkufizimin e plotë →MÍK/ËR,~RA f. sh. ~RA, ~RAT Copë e vogël, çikërr, çikë.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë