Fjalë që fillojnë me...
Fjalë me të njëjtat parashtesa ose tema fjalëformuese.
MENDÍM,~I m. sh. ~E, ~ET 1. Të menduarit; veprimtaria mendore; mënyrë të menduari. Truri është organi i mendimit. Ra (u zhyt) në mendime. E futi në mendime.
2. Ajo që mendon dikush, ajo që arrin dikush me të menduar; pikëpamja ose bindja që kemi për dikë a për diçka; gjykim, mendje, vlerësim. Mendim i qartë (i errët). Mendim i mirë (i bukur). Mendim i drejtë (i padrejtë, i shtrembër, i gabuar). Mendimi im (yt, i tij, ynë) për diçka. Sipas mendimit tonë. Mendimi i popullit (i masave, i punëtorëve). Mendime e propozime. Luftë mendimesh. Them (shpreh) një mendim. Kam një mendim. Jam i mendimit se... Tërheq mendimin e masave. Pajtohemi në mendime. Jam i një mendimi me të. M’u këput filli i mendimeve. Më erdhi (më lindi, më shkrepi) një mendim. Bluan gjithfarë mendimesh. Ia bleu (ia kuptoi) mendimin. I lidh (i parashtron) bukur mendimet. Kanë mendime të ndryshme (të kundërta). I fsheh mendimet. Ia zbuloi mendimet. Hoqi dorë nga ai mendim. Ndërroi mendim. E përtyp mendimin e mendon mirë atë që thotë. Vete (shkoj) me mendimin se... veproj duke e marrë si të mirëqenë një fakt, një ide a një hipotezë të caktuar. Shkon me mendimin se ai do ta ndihmojë me patjetër beson se ai do ta ndihmojë me patjetër.
3. Ajo që është arritur nëpërmjet procesit të njohjes e të pasqyrimit të botës, shkalla e dijes e arritur me anë të të menduarit, njohje. Mendimi shkencor (filozofik). Mendimi politik. Mendimi pedagogjik.
4. filoz., logj., vet. nj. Produkt i trurit, domethënë i materies së organizuar në shkallën më të lartë; shkallë e veçantë, më e larta, në procesin e njohjes dhe të pasqyrimit të botës objektive në ndërgjegjen e njeriut. Mendimi dhe gjuha. Kategoritë e mendimit. Zhvillimi i mendimit.
✱Sin.: të menduar, vlerësim, gjykim, mend, opinion, pikëpamje, arsyetim, hesap, njohje.
MENDIMÓR,~E mb., libr. Që lidhet me mendimin, që i përket mendimit, i mendimit. Liria e shprehjes mendimore. Zhbirimet mendimore të autores në roman.
Shfaq përkufizimin e plotë →MENDIMTÁR,~E mb. 1. Që shquhet për aftësi mendore krijuese dhe që merret me probleme të thella të tipit filozofik. Është natyrë mendimtare. Është qenie mendimtare.2. Që ka të bëjë …
Shfaq përkufizimin e plotë →MENDIMTÁR,~I m. sh. ~Ë, ~ËT Ai që ka aftësi të mëdha mendore krijuese dhe që merret me probleme të thella të natyrës, të shoqërisë njerëzore e të diturisë; filozof. Mendimtar i mad…
Shfaq përkufizimin e plotë →MENDIMTÁR/E,~JA f. sh. ~E, ~ET Ajo që ka aftësi të mëdha mendore krijuese dhe që merret me probleme të thella të natyrës, të shoqërisë njerëzore e të diturisë; filozofe. Ajo ishte …
Shfaq përkufizimin e plotë →MENDIMTARÍ,~A f. Tërësia e mendimeve krijuese, letrare e filozofike të një individi, të një drejtimi kulturor etj. Idetë dhe mendimtaria e shkrimtarit. U dallua për mendimtarinë e …
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë