Fjalë që fillojnë me...
Fjalë me të njëjtat parashtesa ose tema fjalëformuese.
MÉM/E,~JAI f. sh. ~E, ~ET mjek., bised. Sëmundja e majasëllit, hemorroidet.
MÉME,~JAII f. sh. ~, ~T Imazh, video, histori ose pjesë teksti, kryesisht me natyrë humoristike, që kopjohet dhe përhapet me shpejtësi nga përdoruesit e internetit, shpesh me ndryshime të vogla, nëpërmjet e-mailit, blogjeve dhe faqeve të rrjeteve sociale. Buzëqeshja e saj u bë meme. Memeja e publikuar një ditë më parë u bë virale. Adoleshenti u bë i famshëm nga memet. Memet mund të zhduken në ditë ose të zgjasin me vite.
MË́M/Ë,~A f. sh. ~A, ~AT 1. Gruaja kundrejt fëmijëve të vet; gruaja që ka lindur fëmijë, nënë. Mëmë e dashur (e dhembshur). Mëmë me shumë fëmijë. Gjiri (qumështi) i mëmës. Mëmë e bijë. Gjuha e mëmës është gjuha e zemrës. Mëmë e babë. Vëlla nga mëma. U bë mëmë lindi fëmijë. Zonja mëmë u këndonte te djepi vëllezërve të mi.
2. zool. Femra e një kafshe, që ka pjellë të vogël. Mëma e qengjit.
3. zool. Mbretëresha e bletëve, matka, amza. Mizat e bletës shkojnë pas mëmës.
4. bised. Përdoret për të emërtuar vjehrrën në shenjë dashurie e nderimi ose për t’iu drejtuar me dashuri e me nderim një gruaje të moshuar. Shkojmë nga mëma! Ulu këtu, mëmë!
5. anat. Ani i gruas ose i femrës së gjitarëve; shtrati i pjellës. Mëma e fëmijës.
6. bot., vet. nj. Bimë me farë, që luan rolin e femrës në kryqëzimin për të nxjerrë një lloj të ri. Zgjedhin mëmën.
7. Vendi ku nis një rrjedhë uji, burim, gurrë, amë. Mëma e përroit.
8. fig. Burimi i diçkaje, shkaku i një dukurie ose i diçkaje tjetër, a jo që pjell diçka; zanafillë. Mëma e fitoreve. Papunësia - mëma e varfërisë. Përtacia është mëma e shumë të këqijave. (fj. u.).
9. fig. Diçka që qëndron mbi të tjerat (nga vlera, nga rëndësia etj.), ajo që qëndron në krye; ajo që është e parë, pas së cilës vijnë të tjerat ose nga e cila varen të tjerat. Mëma e të gjithave.
10. fig. Diçka shumë e dashur dhe e shtrenjtë. Mëma jonë, Shqipëria.
✱Sin.: nënë, mámi, nënoke, amë, mbretëreshë, parëz, mëmëz, farëz, farje, matkë, an, burim.
MË́MË mb. 1. biol. Që luan rolin e femrës në kryqëzimin për të nxjerrë një lloj të ri. Bimë (farë, rrënjë) mëmë.
2. fig. Që është burimi a shkaku i diçkaje, zanafilla e një qenieje a e një dukurie, që na ushqen e na mban gjallë. Natyra mëmë. Toka mëmë.
3. fig. Që qëndron mbi të tjerat (nga vlera, nga rëndësia etj.); që është krijuar përpara të tjerave, që ka ndihmuar për krijimin e të tjerave, e parë, pas së cilës vijnë të tjerat. Anija mëmë.
MEMÉC,~E mb. 1. Që nuk mund të flasë fare, i pagojë. Njeri memec. Grua memece. Që atë ditë mbeti memec.2. fig. Që mezi i nxjerr fjalët nga goja, që nuk përgjigjet kur e pyesin; shu…
Shfaq përkufizimin e plotë →MEMÉC,~I m. sh. ~Ë, ~ËT 1. Njeri që nuk flet fare, njeri i pagojë. Shkollë për shurdhët dhe për memecët. Memeci shkroi diçka në letër. Hesht si memec.2. fig. Njeri që mezi përgjigj…
Shfaq përkufizimin e plotë →MEMÉC/E,~JA f. sh. ~E, ~ET Vajzë memece ose grua memece. Memecja u mundua të thoshte diçka me shenja.
Shfaq përkufizimin e plotë →MEMECÍ,~A f., mjek. Të qenët memec, memecëri. U shërua nga memecia.
Shfaq përkufizimin e plotë →MEMECËRÍ,~A f. 1. Të qenët memec. Një studim shkencor për memecërinë.2. Heshtje e plotë. Memecëria ndaj të veprimit të tij të keq. Donte të siguronte memecërinë e kundërshtarëve.
Shfaq përkufizimin e plotë →MÉMEZ,~A f. sh. ~A, ~AT Burma e gëzhojës, ku vendoset kapsolla.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë