Fjalë që fillojnë me...
Fjalë me të njëjtat parashtesa ose tema fjalëformuese.
MBRÓJTUR (i, e) mb. 1. Që ka një mbrojtje e nuk e zë era etj., që është në kushte të përshtatshme për t’u ruajtur nga diçka. Luginë e mbrojtur (nga era). Gji deti i mbrojtur. Është i mbrojtur.
2. Që ka mbrojtje nga një rrezik, nga i ftohti etj. Fëmija u ndje i mbrojtur në krahët e të atit. Me atë pallto ishte më e mbrojtur nga i ftohti.
3. usht. Që është i përgatitur për t’u mbrojtur kundër armikut, që ka mbrojtje të organizuar mirë. Vend i mbrojtur. Pozicion i mbrojtur.
4. mjek. Që ka mbrojtje nga një mikrob, që ka imunitet. Është i mbrojtur nga gripi.
5. drejt. Që mbrohet me ligj. Vend historik i mbrojtur. Prodhim i mbrojtur me patentë ose të drejtë autori.
MBROJ vep., ~TA, ~TUR kal. 1. Ruaj dikë a diçka nga sulmet e armikut, nga ndonjë kërcënim a rrezik tjetër; kam kujdes për dikë a për diçka dhe marr të gjitha masat e nevojshme për ta ruajtur nga ndonjë e keqe, nga ndonjë dëmtim etj. Mbrojmë vendin. Mbrojmë kufijtë. Mbrojmë lirinë (pavarësinë). Mbron interesat e popullit. E mbrojtën kështjellën nga armiku. Mbroj fëmijët nga rreziqet. Mbroj diçka nga zjarri (nga uji, nga prishja). Mbroj monumentet e kulturës. E mbrojtën qytezën me vendosmëri.
2. usht. Organizoj mbrojtjen dhe luftoj me armë kundër armikut për të ruajtur një pjesë toke, një vend të caktuar etj., e mbaj me luftë. Ushtria mbrojti qytetin. Mbrojtën pozicionet.
3. I gjendem pranë dikujt duke marrë anën e tij, e përkrah dhe e ndihmoj me mënyra të ndryshme, e ruaj nga sulmet, fyerjet etj. që i bëhen; i mbaj anën; i dal zot. E mbron shokun. Mbroj punën (veprën) e dikujt. Mbroj emrin e mirë të dikujt. E mbronte me (pa) të drejtë.
4. I qëndroj besnik dhe i dal zot një ideje, një parimi, një pikëpamjeje, një mendimi etj. Mbrojti parimet (idetë) e tij. Mbronte nderin e tij. Mbronte të drejtat e veta.
5. spec. Paraqit për miratim para një komisioni të posaçëm një vepër për të marrë një gradë shkencore ose një titull shkencor dhe u përgjigjem pyetjeve e vërejtjeve që bëhen, duke dhënë shpjegimet e nevojshme për të provuar origjinalitetin, vërtetësinë dhe vlerën e punës së paraqitur. Mbroj diplomën (disertacionin).
6. drejt. Përfaqësoj një të pandehur në një padi civile ose penale. Avokati e mbrojti mirë.
✱Sin.: ruaj, puroj, pruajIII, përkrah, mbështet, mbuloj.
MBROJTÁR,~I m. sh. ~Ë, ~ËT Mbrojtës.
Shfaq përkufizimin e plotë →MBRÓJTJ/E,~A f. sh. ~E, ~ET 1. Veprimi kur mbroj dikë a diçka ose kur mbrohem. Mbrojtja e vendit (e lirisë, e pavarësisë). Mbrojtja e pronës (e pasurisë). Mbrojtja e nderit (e të d…
Shfaq përkufizimin e plotë →MBROJTÓR, E mb. Mbrojtës. Luftë mbrojtore.
Shfaq përkufizimin e plotë →MBROJTÓR/E,~JA f. sh. ~E, ~ET Zonë e mbrojtur kur ndalohet gjuetia e kafshëve a shpendëve dhe dëmtimi i bimëve, rezervat.
Shfaq përkufizimin e plotë →MBROJTSHMËRÍ,~A f., libr. Të qenët i mbrojtshëm, vetia e diçkaje që është e mbrojtshme. Mbrojtshmëria e të dhënave në internet.
Shfaq përkufizimin e plotë →MBRÓJTSH/ËM (i), ~ME (e) mb. Që të mbrohet; kund. i pambrojtshëm. Vend i mbrojtshëm.
Shfaq përkufizimin e plotë →MBRÓJTËS,~E mb. 1. Që përdoret ose që shërben për t’u mbrojtur nga një rrezik, nga një sëmundje etj.; që bëhet ose që përdoret për të mbrojtur dikë a diçka. Bojë mbrojtëse. Syza (m…
Shfaq përkufizimin e plotë →MBRÓJTËS,~I m. sh. ~, ~IT 1. Ai që mbron dikë a diçka; ai që i del zot dikujt a diçkaje; përkrahës. Mbrojtësit e vendit. Mbrojtësit e qytetit. Mbrojtës i lirive dhe të drejtave të …
Shfaq përkufizimin e plotë →MBRÓJTËS/E,~JA f. sh. ~E, ~ET 1. Ajo që mbron dikë a diçka; përkrahëse. Mbrojtëse besnike e vendit të vet. Mbrojtëse e të drejtave të fëmijëve.2. drejt. Avokatja që është ngarkuar …
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë