Fjalori
MBARIM

MBARÍM,~I m. sh. ~E, ~ET 1. Veprimi kur mbaroj ose kur mbarohet diçka. Mbarimi i punës. Në mbarim e sipër.
2. Caku ku mbaron diçka që shtrihet në hapësirë (një vijë, një rrugë, një sipërfaqe etj.), vendi ku mbaron diçka; fund; kund. fillim. Mbarimi i rrugës. Mbarimi i rreshtit. Fillimi e mbarimi i bregdetit.
3. Pjesa e fundit e diçkaje (e një libri, e një vepre, e një mbledhjeje, e një veprimi etj.), fund; pjesa përmbyllëse e diçkaje, finalja; kund. fillim. Mbarimi i librit (i romanit, i artikullit). Mbarimi i filmit (i dramës). Mbarimi i lojës (i ndeshjes, i shfaqjes). Mbarimi i shërbimit (i udhëtimit). Mbarimi i mbledhjes. Nga fillimi deri në mbarim. Aty nga mbarimi i luftës. S’i dihet mbarimi. Fillimet dhe mbarimet e shumë historive.
4. Caku që shënon fundin e një kohe; pjesa e kohës që lidhet me këtë cak; caku kohor që shënon fundin e një pune, të një veprimi a të një veprimtarie, fund; kund. fillim. Mbarimi i ditës (i javës, i muajit, i stinës, i vitit). Mbarimi i dimrit. Në mbarim të verës. Nga mbarimi i shekullit XX. Mbarim i afatit (bank.) përfundim i periudhës së rënë dakord për të zbatuar një kontratë ose marrëveshje ligjore.
5. muz. Pjesë e parë e disa emërtimeve të pathjeshta në muzikë: Mbarim femëror masa e fundit e mendimit muzikor, në të cilën akordi përfundimtar vendoset në kohën e butë të masës. Mbarim mashkullor masa e fundit e mendimit muzikor, në të cilën akordi përfundimtar vendoset në kohën e fortë të masës.
♦ *Fillim e mbarim.

Rezultate të tjera nga lematizimi ose nga ngjashmëria me formën përfaqësuese: MBAR
MBAR

MBAR vep., ~A, ~UR kal. Mbart.

Rezultate të ngjashme

MBARIMJAVË

MBARIMJÁV/Ë,~A f. sh. ~Ë, ~ËT Mbarimi i javës, fundjavë.

Shfaq përkufizimin e plotë →
MBARIMLUFTË

MBARIMLÚFT/Ë,~A f. Mbarimi i luftës, periudhë e mbarimit të luftës. Gabimet e mbarimluftës.

Shfaq përkufizimin e plotë →
MBARIMSTINË

MBARIMSTÍN/Ë,~A f. sh. ~Ë, ~ËT Mbarimi i stinës, periudha në mbarim të stinës.

Shfaq përkufizimin e plotë →
MBARIMVIT

MBARIMVÍT,~I m. sh. ~E, ~ET Mbarimi i vitit, periudha në mbarim të vitit.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë