Fjalë që fillojnë me...
Fjalë me të njëjtat parashtesa ose tema fjalëformuese.
MBËSHTÉTJ/E,~A f. sh. ~E, ~ET 1. Veprimi kur mbështet dikë a diçka ose kur mbështetem. Mënyra e mbështetjes së duarve në supe. Mbështetja në forcat e veta. Mbështetja në përvojën e përparuar. Mbështetja në traditat kombëtare. Mbështetja e kandidaturës.
2. Shtyllë a diçka tjetër që vendoset për të mbajtur peshën a që të mos e lejojë të lëvizë ose të bjerë diçka; mbajtëse, mbështetëse. Vendos trarët që shërbejnë si mbështetje e çatisë. Mbështetje e palëvizshme. I vuri një mbështetje. Një mbështetje prej kallami.
3. vet. nj. Njeri a grup njerëzish që përkrah dhe ndihmon dikë; përkrahës a tërësi përkrahësish. Mbështetje e plotë (e sigurt, e fuqishme, e vendosur). Kërkoi (gjeti, siguroi) mbështetje. Nuk ka mbështetje. Ishte pa mbështetje.
4. Para, ushqime a veshje që i nevojiten dikujt për të jetuar a për të kryer një veprimtari, ndihmë ekonomike. Qeveria dha mbështetje ekonomike për njerëzit në nevojë. Mbështetje në të ardhurat (ek.) shumë parash që u jepet fermerëve për shtimin e drejtpërdrejtë të të ardhurave të tyre.
5. Ndihmë psikologjike a emocionale që i nevojitet dikujt në një situatë të caktuar; përkrahje, mbrojtje. Kur humbi punën, nëna qe mbështetje e madhe për të. Në mbështetje të mendimit që dhashë. Me mbështetjen e familjes (shkollës, shoqërisë, qeverisë).
6. Miratim a përkrahje për idetë, për qëndrimin a për veprimtarinë e një personi a grupi. Ai shpresonte që me këtë të fitonte mbështetje mbarëpopullore.
7. usht. Ndihmë a mbrojtje me zjarr, me mjete luftimi ose me forca të gjalla një njësi ushtarake. Gjenerali kërkoi mbështetje ushtarake.
8. libr. Bazë. Në mbështetje të ligjit... (të nenit... të vendimit...). Si mbështetje mund të merret...
✱Sin.: mbështetëse, shtyllë, mbajtëse, përforcim, përkrahës, përkrahje, ndihmë, mbrojtje, miratim, vërtetim, argumentim, bazë.
MBËSHTÉT (MBËSHTÉS) vep., ~A, ~UR kal. 1. E vë diçka mbi një send ose diku që të qëndrojë, të mbahet, të mos luajë etj. Mbështet shkallën pas murit. Mbështeti kokën në jastëk (në p…
Shfaq përkufizimin e plotë →►MBËSHTÉT/EM jovep., ~A (u), ~UR 1. vetv. Mbështet trupin, duart etj. diku për t’u mbajtur a për të mos rënë; qëndroj duke u mbajtur pas dikujt a pas diçkaje; vet. v. III qëndron m…
Shfaq përkufizimin e plotë →MBËSHTÉTUR (i, e) mb. Që mbështetet në fakte e në prova ose në parime e arsyetime të shëndosha; që është ndërtuar a që ngrihet mbi një bazë të shëndoshë; i argumentuar mirë, i bazu…
Shfaq përkufizimin e plotë →MBËSHTÉTUR ndajf. Duke u mbështetur te diçka a te dikush. Rrinte mbështetur.
Shfaq përkufizimin e plotë →MBËSHTÉTËS,~E mb. 1. Që shërben për të mbështetur diçka, që e mban të mos bjerë; që i shërben diçkaje për të qëndruar, që shërben si mbështetje. Shtyllë mbështetëse. Tra mbështetës…
Shfaq përkufizimin e plotë →MBËSHTÉTËS,~I m. sh. ~, ~IT Ai që mbështet e ndihmon dikë, përkrahës. Mbështetësit e vendimit. Mbështetësit e sulmit. Kishte mbështetës të fortë. Është mbështetës besnik i skuadrës…
Shfaq përkufizimin e plotë →MBËSHTÉTËS/E,~JA f. sh. ~E, ~ET 1. Diçka (shtyllë, furkë etj.) që shërben për të mbajtur një send nga poshtë ose anash, për ta përforcuar atë etj., mbajtëse. Shufra mbështetëse e v…
Shfaq përkufizimin e plotë →►MBËSHT/ÍLLEM jovep., ~ÓLLA (u), ~JÉLLË 1. vetv., vet. v. III Mblidhet si lëmsh ose rreth e rrotull diçkaje; kund. çmbështillet; shtillet. U mbështoll filli (litari). Hardhia u mbë…
Shfaq përkufizimin e plotë →MBËSHT/JÉLL vep., ~ÓLLA, ~JÉLLË kal. 1. Mbledh fillin lëmsh në një gjep a në masur; mbledh; kund. çmbështjell; shtjell. Mbështjell perin (fijet). Mbështjell në kallam. Mbështolli l…
Shfaq përkufizimin e plotë →MBËSHTJÉLL/Ë,~A f. sh. ~A, ~AT 1. Letër, lëkurë, pëlhurë etj. që përdoret si veshje e jashtme për diçka, mbështjellëse. Mbështjellë lëkure (meshine, teneqeje).2. bised. Diçka e fsh…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë