Fjalori
MARSHOJ

MARSH/ÓJ vep., ~ÓVA, ~ÚAR jokal. 1. Eci përpara me hap të rregullt ritmik, në një formacion të caktuar së bashku me të tjerët. Marshonte i veshur me uniformën e oficerit. Marshojnë ushtarët. Marshon batalioni (toga, brigada, armata). Marshojnë sportistët me flamurin kombëtar në ceremoninë e hapjes së olimpiadës.
2. Lëviz me hap të rregullt ritmik duke luajtur një pjesë muzikore me ritëm të theksuar, zakonisht në një paradë ose parakalim. Marshoi banda muzikore e shkollës.
3. Eci si grup në një drejtim të caktuar për të protestuar kundër diçkaje ose për të shprehur një ide. Nxënësit marshuan për të kërkuar kushte më të mira të mësimit. Punëtorët marshuan në rrugë kundër mbylljes së fabrikës.
4. Eci shpejt dhe me vendosmëri, zakonisht kur jam i zemëruar. U ngrita vrik nga tavolina dhe marshova drejt derës.
5. fig., vet. v. III Arrij përparime të mëdha e të shpejta në një fushë të caktuar të veprimtarisë shoqërore, eci përpara, përparoj. Marshojmë drejt fitoreve të reja. Skuadra kombëtare e futbollit marshon drejt Europianit.
6. fig., vet. v. III Ecën përpara me shpejtësi, rritet shpejt. Dekriminalizimi marshon. Euro marshon sipër 110 lekëve, arrin nivelin më të lartë që prej fillimit të stinës.
✱Sin.: eci, përparoj, rritet.

Rezultate të ngjashme

MARSHOHET

►MARSH/ÓHET jovep., ~ÚA (u), ~ÚAR vetv., vet. v. III Mund të ecet; ecet. Drejt Tiranës marshohet nga të katër anët e horizontit.

Shfaq përkufizimin e plotë →
MARSHOR

MARSHÓR,~E mb. Që bëhet duke marshuar. Ai ecën me hap marshor.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë