Fjalori
MARKUAR

MARKÚAR (i, e) mb. 1. Që ka një a më shumë shenja dalluese, që është vendosur shenjë për ta dalluar, që është markuar. Shteg turistik i markuar për ecje në këmbë.
2. bot., biol. I përcaktuar qartë dhe në mënyrë të dukshme.
3. sport. Që mbron kundërshtarin në lojërat me top, që markon kundërshtarin. Sulmuesi ra në zonën e penalltive, i markuar nga një mbrojtës i shkathët.
4. gjuh. Që është element gjuhësor më i dallueshëm sesa një tjetër; kund. i pamarkuar. Fjalë e markuar. Zanore e markuar.

MARKUAR

MARKÚAR,~IT (të) as. Markim. Mungesa e të markuarit siç duhet në lojë na rrezikoi fitoren.

Rezultate të tjera nga lematizimi ose nga ngjashmëria me formën përfaqësuese: MARKOJ
MARKOJ

MARK/ÓJ vep., ~ÓVA, ~ÚAR kal. 1. Vendos një shenjë për ta dalluar, e bëj me shenjë, shenjoj. Markoj territorin.
2. sport. Mbroj kundërshtarin në lojërat me top, mbuloj. Mbrojtësi po markonte mesfushorin kundërshtar. Duhet ta kishte markuar më mirë flokëverdhin që të mos e bënte dot golin.
3. biol., mjek. Tregon praninë e diçkaje, e një karakteristike kimike ose fizike në ADN.
4. gjuh., vet. v. III Tregon klasën a funksionin gramatikor ose semantik të një fjale, si për shembull mbaresat e zgjedhimit të foljeve, mbaresat e lakimit të emrave etj.; e bën një element gjuhësor më të dallueshëm sesa një tjetër. Markon zanoren.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë