Fjalë që fillojnë me...
Fjalë me të njëjtat parashtesa ose tema fjalëformuese.
MAKTH,~II m., bot. 1. (lat. Melilotus officinalis) Lloj bari i ngjashëm me trëndelinën, që rritet zakonisht në ara të mbjella me grurë dhe bën lule të verdha a të bardha e me erë si të mjaltit.
2. Pjesë e parë e emërtimeve për varietete të ndryshme të kësaj bime: Makthi i egër (lat. Hypericum perforatum) lloj i makthit që i ka gjethet vezake plot pikëza në sipërfaqe, të cilat, kur i sheh në dritë, duken si vrima; lulebasani, lulja e balsamit.
MAKTH,~IIV m. sh. ~E, ~ET 1. Ëndërr që ngjall ndjenja frike, tmerri dhe shqetësimi të fortë; ankth i madh. Nuk ishte gjumë, por makth i vërtetë. Ishte në gjendje makthi.
2. Shqetësim i madh që të pushton plotësisht, ankth i madh. E zuri makthi. U çlirua nga ai makth.
3. Ngjarje e tmerrshme ose përvojë shumë shqetësuese. As makthet më të çmeritura të së kaluarës nuk mund të barazohen me historinë e këtij shekulli. Një regjim që u kthye në makth.
4. mit., folk. Figurë e përrallave popullore që mendohet si njeri që vjen natën e të zë frymën, por, po ta kapësh, mund të të japë çdo gjë që i kërkon në atë çast; të rëndët e dheut. Natën trokisnin makthet. Hijet në dhomë ecnin si makthet.
✱Sin.: frikë, tmerr, ankth, angështi, vrevë, llahtari.
►MAKTH/ÉHEM jovep., ~ÉVA (u), ~ÝER vetv. Makthohem. Miliona banorë janë makthyer nga lajmi i tërmetit të madh që pritet.
Shfaq përkufizimin e plotë →MAKTH/ÉJ vep., ~ÉVA, ~ÝER kal. Makthoj.
Shfaq përkufizimin e plotë →MAKTHÍM,~I m. Gjendja kur më kap makthi a kur mbushem me makth. Një makthim cinik turbullonte në mënyrë joshëse mendjet e tyre. Ky është makthimi më i madh për atë grup njerëzish.
Shfaq përkufizimin e plotë →MAKTHNDJÉLLËS,~E mb. Që ndjell makth, që sjell makth. Hapësirë makthndjellëse. Utopi makthndjellëse.
Shfaq përkufizimin e plotë →►MAKTH/ÓHEM jovep., ~ÓVA (u), ~ÚAR vetv. Më kap makthi; jam në makth. Makthohet kur i vijnë shumë miq njëherësh.
Shfaq përkufizimin e plotë →MAKTH/ÓJ vep., ~ÓVA, ~ÚAR kal. E bëj ta kapë makthi; e mbush me makth. E ka makthuar marrëdhënien lexues-libër.
Shfaq përkufizimin e plotë →MAKTHÓR,~E mb. Që është plot me makth, i makthshëm. Ajo çështje paraqitej si një paradoks makthor.
Shfaq përkufizimin e plotë →MÁKTHSH/ËM (i), ~ME (e) mb. Që të shkakton makth, i mbushur me makth. Udhëtimi kishte qenë i makthshëm për të. Prag dimri më i makthshëm rrallë kishte qëlluar në këtë vend.
Shfaq përkufizimin e plotë →MAKTHÚAR (i, e) mb. Që e ka pushtuar makthi, që është mbushur me makth. Ishte nënë e makthuar, ndiente ankth për gjithçka.
Shfaq përkufizimin e plotë →MAKTHÝER (i, e) mb. Që është makthyer, i makthuar.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë