Fjalë që fillojnë me...
Fjalë me të njëjtat parashtesa ose tema fjalëformuese.
MAJÁ,~JA f. sh. ~, ~TË 1. biol. (lat. Saccharomyces; Saccharomyces cerevisiae) Secila nga llojet e ndryshme të kërpudhave njëqelizore që janë të afta të fermentojnë karbohidratet. Majaja është një kërpudhë natyrale që rritet kudo, me rreth 1000 lloje të ndryshme të saj. Majatë janë mikroorganizma njëqelizorë bulëzues.
2. Një nga llojet e këtyre mikroorganizmave njëqelizore që ka aftësi të kthejë karbohidratet në alkool dhe dyoksid karboni, tharm. Maja buke (kosi, birre). Bëj pije nga majaja e elbit. Përziej majanë me miellin. Mat me kujdes sasinë e majasë.
3. fig., bised. Pjesa më e zgjedhur ose kryesore; lezet, ajkë. Majaja e djemurisë. Majaja e shoqërisë. Ishte majaja e muhabetit.
4. fig., bised. Thelbi i një çështjeje etj.; ajo nga e cila varet zhvillimi ose ndryshimi i diçkaje.
✱Sin.: tharm, kërpudhë, ajkë, lezet.
MAJ,~II m. Muaji i pestë i vitit, që vjen pas prillit. Ka lindur në muajin maj. Hyri maji. Festa e Një Majit. Çelin lulet në maj. Do të rri këtu gjer majin që vjen. Nuk ka kokë dëbora në maj. (fj. u.) nuk qëndron gjatë, shkrin shpejt. Shkëndijat (shkëndijëzat) dalin në maj. (fj. u.). Zinin majin (vjet., etnogr.) ngriheshin herët ditën e një majit dhe dilnin në natyrë për të festuar ardhjen e muajit të luleve (sipas një zakoni të vjetër popullor). Lule maji (bot.). Zhuzhaku i majit (zool.).
♦ *Borë në maj (në diell).
MAJ,~III m. sh. ~A, ~AT 1. Çekan i madh që e përdor farkëtari për të rrahur hekurin; vare hekuri. Maji i kovaçit. Maj për të thyer gurët.
2. Vare druri; tokmak; kopan. Maj samarxhinjsh. Majat e dërstilës. Maj për të rrahur rrobat. Thyejnë plisat me maj. E rrahin gjineshtrën me maj.
✱Sin.: vare, kopan, tokmak.
MÁJA-MÁJA mb. Që ka shumë maja, që është me maja. Vargmal maja-maja.
Shfaq përkufizimin e plotë →MÁJA-MÁJA ndajf. Vetëm nga pak duke zgjedhur pjesën më të mirë. E ha ushqimin maja-maja.
Shfaq përkufizimin e plotë →MAJACÚK,~E mb. Që e ka majën të hollë e të mprehtë; majarak. Thikë majacuke.
Shfaq përkufizimin e plotë →MAJÁK,~U m. sh. ~Ë, ~ËT Majçë.
Shfaq përkufizimin e plotë →MAJAKRÉTHI ndajf. Në marrëdhënie të këqija, majë më majë; egërsisht. Ata të dy shkonin majakrethi.✱Sin.: keq, egërsisht.
Shfaq përkufizimin e plotë →MAJAMÁJAZ ndajf. Lart në majë, në nivelin e majës.
Shfaq përkufizimin e plotë →MAJARÁK,~E mb. Që është me majë, i mprehtë; majacuk.✱Sin.: i mprehtë, majacuk.
Shfaq përkufizimin e plotë →MÁJAS ndajf. Duke filluar nga maja. E voli pemën majas.
Shfaq përkufizimin e plotë →MAJASË́LL,~I m., mjek. Sëmundje që shfaqet me zgjerim të venave në fund të zorrës së trashë dhe që shkakton ënjtje të indit anal, gjakrrjedhje, kruarje dhe dhimbje të forta; hemorr…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë