Fjalori
LODHNIM

LODHNÍM,~I m. 1. Lehoni, periudha pas lindjes kur një grua rikuperohet fizikisht dhe emocionalisht. Koha e lodhnimit është e rëndësishme për rikuperimin e nënës.
2. Qesëndi, mospërfillje ose qortim për dikë që nuk punon ose është i ngathët. A je në lodhnim, që nuk po bën asgjë?

Rezultate të tjera nga lematizimi ose nga ngjashmëria me formën përfaqësuese: LODH
LODH

LÓDH vep., ~A, ~UR kal. 1. Ia pakësoj a ia pres fuqinë dikujt, e bëj ta ndiejë veten të këputur a të dobësuar (nga një punë e rëndë, nga një udhëtim i gjatë, nga një sëmundje, nga një gjendje e rëndë shpirtërore etj.); kund. çlodh. E lodhi puna (rruga). E lodhën studimet. Ia lodhi krahët kazma. T’i lodh sytë. E lodhi kalin. E kanë lodhur ethet. Vetmia të lodh.
2. E mërzit shumë dikë me llafe, me kërkesa të vazhdueshme, duke e lënë të presë gjatë etj., e bëj të humbasë durimin e qëndresën. E lodhi me pyetje. I lodhi dëgjuesit. Na lodhi veshët me llafe. Mjaft, se na lodhe!
3. fig. E vë në punë, e bëj të punojë mirë e me të gjitha forcat, e mundoj. E lodhi mendjen, po s'e gjeti. Lodhe ca kokën (trurin)! Shumë e lodhi gojën foli shumë. Lodhi këmbët! ec më shpejt!, jepu këmbëve!
✱Sin.: raskapit, këput, dërrmoj, mundoj, mërzit, molis, postat, drobis, sqaq, meroj.
♦ S’e lodh *kaptinën (për diçka) thjeshtligj. Nuk i lodh *këmbët (dikush). Lodh *kokën (kryet) (për diçka). S’e lodh *kokën (kryet) (për diçka). Lodh *mendjen (për diçka). S’e lodh *mendjen (dikush). Lodh *trurin (për diçka).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë