Fjalori
LINDEM

►LÍND/EM jovep.,~A(u), ~UR 1. vetv. Del në jetë nga barku i nënës; nis të jetojë. U lind shtatanik. Jam lindur në këtë prag. Nuk është lindur njeri i ditur. (fj. u.). Në këtë fshat është lindur Gjoleka, të cilit edhe sot i këndohen këngë labërishte.
2. edhe fig., vetv., vet. v. III Shfaqet diçka, krijohet; ngjallet; shkaktohet. U lind si një mendim. U lind një shpresë.
3. pës. e LIND2.
✱Sin.: dilet, vij, shfaqet, krijohet, ngjallet, shkaktohet.

Rezultate të tjera nga lematizimi ose nga ngjashmëria me formën përfaqësuese: LIND
LIND

LIND,~II m. sh. ~A, ~AT krahin. Endë, pjalm. Lindat e hardhisë (e rrushit). Lindi i arrës.

LIND

LIND,~III m. sh. ~A, ~AT Maja e një plage që ka zënë qelb. E shpoi në lind të plagës.

LIND

LIND vep., ~A, ~UR 1. jokal. Dal në jetë nga barku i nënës; nis të jetoj, filloj veprimtarinë jetësore (zakonisht për njerëzit dhe në përgjithësi për qeniet e tjera të gjalla); kund. vdes. Lindi në kohë. Lindi shtatanik. I lindi një fëmijë. Ka lindur më 1941. Ku ke lindur? Ka lindur në Elbasan (Korçë, Shqipëri, Kosovë). Kanë lindur qengjat e parë. S'ka lindur njeri i nxënë (i mësuar).(fj. u.). Nuk lind njeriu (burri) me mustaqe. (fj. u.).
2. kal. Nxjerr foshnjën në jetë nga barku e lirohem nga barra, bëj fëmijë (për gratë); pjell. Lindi djalë (vajzë). Lindi binjakë (trinjakë). Ka lindur shumë fëmijë. Do të lindë së shpejti. U shtrua për të lindur. E lindi të vdekur.
3. fig., jokal. dhe kal., vet. v. III Del në jetë dikush; e nxjerr në jetë dikë; bëj që të jetë, të jetojë e të veprojë. Në tokën tonë kanë lindur heronj. Në shtëpinë e tyre kanë lindur vetëm trima. Lindi një poet i shquar. Nuk ka lindur burrë që të na frikësojë.
4. fig., jokal. Dal në dritë, shpëtoj nga një e keqe e madhe. Lindi edhe një herë.
5. jokal., vet. v. III. Del në horizont, shfaqet në qiell (për trupat qiellorë e sidomos për diellin e hënën); kund. perëndon. Lindi dielli (hëna). Dielli lind për të gjithë. (fj. u.) Dielli duket që kur lind. (fj. u.).
6. edhe fig., jokal., vet. v. III Del, nis jetën; ngrihet, themelohet, krijohet. Lindi atje një qytet i ri. Lindi një industri e re (një uzinë e madhe).
7. edhe fig., jokal., vet. v. III Zë fill e nis të shfaqet diçka, del, vjen; krijohet; ngjallet; shkaktohet. I lindi dashuria (shpresa, dyshimi, dëshira, përshtypja). I lindi në zemër. I lindi një mendim në kokë. Lind pyetja (çështja). Po të lindë nevoja. Lindin fjalë të reja.
8. jokal. dhe kal., vet. v. III I jep nismën diçkaje, krijon, shkakton, sjell; del, vjen, rrjedh nga një veprim a nga një gjendje e caktuar. Dridhja e ajrit lind një zhurmë. Nga takimi i telave lind një shkëndijë. Nga e vogla lind e madhja (e vogla lind të madhen). (fj. u.).
9. vet. v. III (zakonisht me një trajtë të shkurtër të përemrit vetor në r. dhanore). Më krijohet a më jepet mundësia për diçka. I ka lindur e drejta e pensionit.
✱Sin.: dal, vij, shfaqem, bijoj, pjell, bëj, shpërthen, shpëtoj, ngrihet, çohet, çel, themelohet, krijohet, vjen, formohet, ngjallet, shkaktohet, krijon, shkakton, sjell, rrjedh.
♦ E bën *vdekjen si të lindë (dikush). Ka lindur prej *gurit (dikush). Ka lindur me *këmishë (dikush). Te lind e te perëndon në të gjithë vendin, gjithandej; në një hapësirë shumë të madhe; në të katër anët. Lind për së dyti shpëtoj nga një rrezik a nga një e keqe e madhe; dal në një jetë më të mirë a në një gjendje të sigurt; jam shumë i lumtur. Si e ka lindur (e ka bërë) *nëna. S’kam lindur *shpinë për shpinë (me dikë) iron. Ka lindur *shtatanik (dikush). Sikur edhe *vëllai të më lindë! Ka lindur me *yll (dikush). Më lindi në *zemër (diçka).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë