Fjalë që fillojnë me...
Fjalë me të njëjtat parashtesa ose tema fjalëformuese.
LÉND/E,~JA f. sh. ~E, ~ET 1. Kokërr e vogël si lajthi me një kapuç nga njëra anë, që lidhin disa drurë si lisi etj. dhe që e hanë derrat e disa kafshë të egra; gogël. Lende lisi (dushku). E ushqente me lende.
2. Boçe. Lende bredhi (vgjeri, qiparisi).
✱Sin.: bukëqyqe, ehull, loçkë, gogël, boçe.
♦ Kur të bëhen lendet *lajthi. T’i shet lendet për *lajthi (dikush).
LËND/Ë,~AI f. sh ~ Ë, ~ËT 1. Materie e prekshme, ajo prej së cilës përbëhen trupat fizikë në natyrë; thelbi cilësor i materies, substancë; fiz., filoz. një nga trajtat kryesore të qenies së materies në hapësirë, që ka masë prehjeje dhe që është në gjendje të ngurtë, të lëngët, të gaztë etj. Lëndë e ngurtë (e lëngët, e gaztë). Lëndë organike (joorganike). Lëndë e tretshme. Lëndë ushqyese. Lëndë helmuese. Lëndë radioaktive. Lëndë shpërthyese (plasëse). Lënda dhe fusha.
2. Çdo gjë që nxirret nga toka dhe përpunohet më tej; prodhim që përpunohet në trajta të ndryshme ose që shërben për qëllime të caktuara; material. Lëndë e fortë (e qëndrueshme, e butë, e ashpër). Lëndët e para. Lëndë minerale. Lëndë artificiale (plastike, sintetike). Lëndë ngjyruese (ngjitëse, lidhëse, regjëse). Lëndë djegëse.
3. ndërt. Dru i prerë dhe i ndarë në pjesë të veçanta, me përmasa të ndryshme, që përdoret në ndërtim ose për të bërë orendi, vegla pune e sende të tjera; qereste. Lëndë e prerë (e sharruar, e latuar). Lëndët e trasha trarët. Lëndë e hollë (e imët). Lëndë druri. Lëndë ahu (dushku, plepi). Lëndë ndërtimi. Bëri (preu) lëndë në pyll.
4. Pjesa e fortë dhe e ngjeshur e një druri (sidomos e trungut), e cila ndodhet nën lëvore dhe ka veti e cilësi të ndryshme. Lëndë e fortë (e butë, e punueshme). Lënda e dushkut (e ahut, e panjës, e pishës, e shqopës). Arra (qiparisi) ka lëndë të çmueshme.
5. Tërësi faktesh a të dhënash, që shërbejnë si mbështetje për një studim dhe që i japin atij vlerën njohëse. Lënda gjuhësore (historike, arkeologjike).
6. Brendia e një vepre të shkruar, përmbajtja; ajo për të cilën shkruajmë ose flasim. Lënda e një reviste (e një libri). Pasqyra (tryeza) e lëndës. Ka lëndë të pasur.
7. Tërësia e njohurive të një fushe a dege të shkencës, që jepen në shkollë sipas programit mësimor të caktuar; mësimi që zhvillohet në shkollë sipas degëve të shkencës. Lëndët mësimore. Lëndët teknike (bujqësore). Lënda e gjuhës (e letërsisë, e historisë, e kimisë, e matematikës). Komisioni i lëndës. Jep dy lëndë.
✱Sin.: material, të dhëna, brendi, brumë, përmbajtje, njohuri, mësim.
LENDÍ,~A f. sh. ~, ~TË krahin. Mëri. E ka lendi dikë. Ka lendi me të.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë