Fjalë që fillojnë me...
Fjalë me të njëjtat parashtesa ose tema fjalëformuese.
LEDH,~II m. sh. ~E, ~ET 1. Vend i ngritur buzë arave ose anës shesheve, udhëve, hendeqeve etj., mezhdë, trap. Ledhi i arës (i livadhit, i rrugës, i hendekut). Ledhet e llogoreve. I pengojnë edhe ledhet. Ecte nëpër ledh (ledh më ledh). Mbroheshin pas ledhit. I prishën ledhet e i bashkuan arat.
2. Pendë dheu që bëhet për të penguar ujërat, sfrat. I bënë ledhe të larta lumit. U çanë ledhet nga ujërat.
3. Rrip i ngushtë are; lehe. Ledhet e perimeve. Dy ledhe misër.
4. hist. Mur i trashë guri i një kalaje a qyteze. Ledh i lartë (i gjatë).
5. Mur guri pa llaç, që bëhet në toka të pjerrëta për të mos shkarë dheu. Brezare me ledhe. Kala me ledhe të forta.
6. fig. Pengesë, gardh; prag. I vuri (iu bë) ledh diçkaje. E hodhi (e kapërceu) ledhin.
✱Sin.: trap₁, stom, mezhdë, presë₁, pendë, tallabak, lehe, lidhak, mur, pengesë, gardh, prag.
♦ Iu bë ledh (diçkaje) shih iu bë gardh (diçkaje). E kapërceu (e hodhi) ledhin (dikush) shih e kapërceu (e hodhi) gardhin (dikush). E la (e hodhi) në ledh (dikë) e braktisi, nuk i dha asnjë ndihmë; e la (e nxori) në mes të katër rrugëve (të katër udhëve). I vë ledh (diçkaje) shih i vë gardh (diçkaje). Zuri ledh (dikush) vuri pasuri, u bë i pasur; e zuri ledhi (dikë) iron.; i zuri bishti dhjamë (dikujt). Zuri ledhin (dikush) përb. shih zuri përruan (dikush) përb. E zuri ledhi (dikë) iron. i ra në dorë papritur një pasuri si trashëgim, u bë papandehur i pasur; i eci mbarë, e ndihmoi fati; zuri ledh (dikush).
LEDH,~III m. sh. ~E, ~ET bised. 1. Lym; baltë. Ledh lumi. Ledhi i vijave (i kanaleve). U mbush me ledh. E lyen me ledh. E bënë murin me ledh.
2. kryes. sh. Tokë a arë anës lumenjve a përrenjve, e cila mbulohet me lym nga vërshimi i tyre; ledhishtë, lymërishtë. Bëhet mirë drithi në ledhe.
✱Sin.: lym, tinë, batak, baltë, ledhishtë, lymërishtë.
LÉDHAS ndajf. Me përkëdhelje, me ledha; me të mirë. E mori ledhas dikë.
Shfaq përkufizimin e plotë →LEDHATÁR,~I m. sh. ~Ë, ~ËT Ai që ledhaton njerëzit, ai që përkëdhel të tjerët.
Shfaq përkufizimin e plotë →LEDHATÁR,~E mb. 1. Përkëdhelës, miklues, ledhatues. Njeri ledhatar. Me fjalë ledhatare. Me zë ledhatar. Buzëqeshje ledhatare. 2. Që e përkëdhelin më shumë se të tjerët, që e duan d…
Shfaq përkufizimin e plotë →LEDHATÍ,~A f. sh. ~, ~TË Të ledhatuarit e dikujt, të përkëdhelurit me fjalë të ëmbla, sjellje e butë ndaj dikujt. Ngushëllimi i vetëm ishte ledhatia e gruas së tij.
Shfaq përkufizimin e plotë →LEDHÍM,~I m. sh. ~E, ~ET 1. Veprimi kur ledhoj një vend ose kur ledhohet. 2. Pengesë, ngritja e një ledhi buzë arave ose anës shesheve etj.
Shfaq përkufizimin e plotë →LEDH/ÓJ vep., ~ÓVA, ~ÚAR kal. Ndërtoj një ledh; rrethoj një vend me ledh a me mur mbrojtës. E ledhuan qytezën.
Shfaq përkufizimin e plotë →LEDHÓR/E,~JA f. sh. ~E, ~ET Vend që lihet i pashkruar anash në një faqe fletoreje a libri, në një shkresë etj., anë. Ledhore e ngushtë (e gjerë). Ndaj ledhoren me vijë të kuqe. Shë…
Shfaq përkufizimin e plotë →LÉDHTË (i, e) mb. Që është bërë me ledh, i baltë. Mur i ledhtë.✱Sin.: i baltë, i baltërt.
Shfaq përkufizimin e plotë →LEDHÚAR (i, e) mb. Që është ledhuar, që është i rrethuar me ledh. Ulli i ledhuar.
Shfaq përkufizimin e plotë →LÉDH/Ë,~A f. kryes. sh. ~A, ~AT 1. Përkëdhelje, fjalë e ëmbël dhe sjellje e ngrohtë, ledhatim. I bën ledha dikujt e përkëdhel, e ledhaton. E merr me ledha e merr me përkëdhelje, e …
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë