Fjalë që fillojnë me...
Fjalë me të njëjtat parashtesa ose tema fjalëformuese.
LART ndajf. 1. Në largësi të madhe nga toka ose nga një sipërfaqe tjetër në drejtimin pingul; në hapësirën mbi tokë; më sipër se diçka tjetër ose se zakonisht; kund. ulët, poshtë. Fluturon lart. Është lart. Atje lart. Lart e më lart. Lart në ajër (në qiell).
2. Në drejtim pingul duke u nisur nga poshtë, përpjetë; shtrirë përpjetë, pingul; kund. poshtë. Ngjitet (lëviz, bën) lart. E ngriti lart këmbën (dorën). E mban kokën lart. E shtriu hardhinë lart. Bën (ngjitet) lart diçka merr përpjetë; rritet, zhvillohet.
3. Sipër diçkaje të lartë, mbi diçka; në një vend a mbi një mjet; në një vend të ngritur. Lart mbi mur. Lart në çati. Lart në katin e dytë. Lart në pemë. Lart në mal. Lart mbi supe. Lart në tryezë. Lart në kalë. Lart në biçikletë (në kamion). - Vëre atje lart!
4. Më shumë se një masë a se një sasi e caktuar mbi diçka (si sasi); më shumë se një pjesë kohe; shumë. Pesë vjeç e lart. Gjashtë muaj e lart. Lart nga pesëdhjetë veta. Lart nga dyqind kuintalë. E vlerësoi lart dikë a diçka. E ngriti lart dikë a diçka e vlerësoi shumë, i çmoi shumë vlerat e tij a të saj.
5. bised. Në organet e larta të administratës shtetërore, në organet qendrore e urdhërdhënëse; kund. poshtë. U shqyrtua (u vendos) lart. U ngjit lart. - Lart e më lart!
6. Me zë të hollë e të tingëllueshëm. Ia mori këngës lart. - Merre më lart (këngën)!
7. fig. Më mirë a më shumë se të tjerët; në lartësinë e duhur; kund. poshtë. Është më lart. Qëndron më lart. Qëndron lart nga ana morale.
8. si em. Pjesa ose ana e sipërme e një sendi, pjesa ose ana që është sipër; shkalla e sipërme e një shkallëzimi shtetëror a shoqëror; kund. poshtë. Kontrolli nga lart poshtë (nga poshtë lart). Udhëzim nga lart. E shikojmë nga lart. Dukej nga lart.
9. si kallëzues. Ngre, çoj. - Lart flamujt e fitores! - Lart frymën shqiptare!
✱Sin.: përpjetë, lartas, tërmal, kukumalthi, lartazi, së larti, pingul.
♦ Me *ballë (me ballin) lart. Bën (shkon) lart (dikush a diçka). 1. Rritet; ecën mirë çdo gjë, zhvillohet, përparon; bën (shkon) përpjetë; kund. bën (shkon) poshtë. 2. Përmirësohet, bëhet më mirë; shëndoshet. 3. Përparon në punë a në detyrë, ka suksese; ngjitet a ngrihet në detyrë; bën (shkon) përpjetë; kund. bën (shkon) poshtë. Me *kokën (me kryet) lart. Me kryet (me *kokën) lart. I kullot hunda lart (dikujt) iron. shih e mban hundën lart (dikush). Lart e më lart me suksese të tjera më të mëdha; duke përparuar (zakonisht në detyra administrative); kund. poshtë e më poshtë. Lart e poshtë gjithandej, kudo, në çdo anë; tutje-tëhu; poshtë e lart; poshtë e përpjetë; andej e këtej (sa andej këtej); zall më zall. Ia lidh lart (dikush) iron. është mendjemadh; vret (rreh) lart; i shtie (i rreh) dyfeku lart (dikujt) iron. E mban ballin lart (dikush) është i guximshëm e i papërkulur, nuk thyhet para askujt; është krenar; e mban kokën lart (përpjetë). E mban hundën lart (*përpjetë) (dikush) iron. E mban kokën lart (*përpjetë) (dikush). E mban lart (dikush) shih ia lidh lart (dikush). Ngre *ballin lart. Ngre (çon) *duart lart (përpjetë) (dikush). E ngre lart. 1. (dikë a diçka). E çmoj shumë, ia vlerësoj lart meritat e cilësitë; e lavdëroj; e ngre (e vë) në piedestal (dikë) libr. (diçka). E zhvilloj më tej, e pasuroj me vlera të reja; e forcoj. Pështyn lart (përpjetë) (dikush) është mendjemadh, mbahet më të madh, kapardiset; e mban kokën lart (përpjetë); e mban hundën lart (përpjetë); vret (rreh) lart; i shtie (i rreh) dyfeku lart (dikujt) iron. *Poshtë e lart. I shtie (i rreh) dyfeku lart (dikujt) iron. 1. Kërkon miq me pozitë; do të ngjitet në detyrë a të përfitojë nga lidhjet miqësore, synon të bëjë karrierë. 2. Mburret e krenohet, e mban veten më të madh; e mban kokën lart (dikush); e mban hundën përpjetë (dikush); vret (rreh) lart (dikush); pështyn lart (dikush). Vret (rreh) lart (dikush). 1. Kërkon më shumë nga sa i takon; ka kërkesa të mëdha e të paarsyeshme. 2. E mban veten për të zgjuar e për të zotin, mburret shumë e sillet me mendjemadhësi; e mban kokën lart; e mban hundën përpjetë; e ka hundën në lis; i shtie (i rreh) dyfeku lart (dikujt); pështyn përpjetë; e mban bishtin përpjetë; s’e lë hunda të hajë (të kullotë) bar (dikë).
LÁRTAS,~I m. sh. ~, ~IT Banor i krahinave të larta malore.
Shfaq përkufizimin e plotë →LÁRTAS ndajf. Lart, lartazi.
Shfaq përkufizimin e plotë →LÁRTAS/E,~JA f. sh. ~E, ~ET Banore e krahinave të larta malore.
Shfaq përkufizimin e plotë →LÁRTAZI ndajf. Lart.
Shfaq përkufizimin e plotë →LÁRTH,~I m. sh. ~A, ~AT bot. 1. Ashe. 2. Urth.
Shfaq përkufizimin e plotë →LÁRTI (së) ndajf. 1. Lart; nga lart. Hidhet së larti. E qëlloi së larti. Zbresin së larti. Kërcim së larti. sport. 2. fig. Me mburrje e kryelartësi; me mendjemadhësi, nga lart. Fle…
Shfaq përkufizimin e plotë →LARTÍM,~I m. sh. ~E, ~ET Lartësim. Lartimi i një personi në pozita më të larta drejtuese.
Shfaq përkufizimin e plotë →LART/ÓJ vep., ~ÓVA, ~ÚAR kal., bised. Lartësoj, e nderoj, i jap vlerë të madhe dikujt ose diçkaje.✱Sin.: lartësoj, nderoj, vlerësoj.
Shfaq përkufizimin e plotë →LÁRTË,~T (të) as., bised. Lartësi; vend i lartë. U ngjit në të lartë. E vari pastërmanë më (në) të lartë. Fluturojnë në (më) të lartë. Iu morën mendtë nga të lartët.
Shfaq përkufizimin e plotë →LÁRTË (i, e) mb. 1. Që gjendet a që ndodh në largësi të madhe nga toka ose nga një sipërfaqe tjetër; që është në hapësirën mbi tokë; që ndodh në lartësi të madhe; kund. i ulët. Re …
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë