Fjalë që fillojnë me...
Fjalë me të njëjtat parashtesa ose tema fjalëformuese.
►LARG/ÓHEM jovep., ~ÓVA (u), ~ÚAR 1. vetv. Shkoj larg dikujt a diçkaje, vete më tutje, iki larg; kund. afrohem. U largua nga zjarri. U largua nga bregu. - Largohu! usht., sport. komandë për të zmadhuar largësinë midis rreshtave, për t’i bërë ato më të lira.
2. vetv. Iki prej dikujt, ndahem prej tij; e lë një vend; kund. kthehem, vij. U larguan nga fshati (nga qyteti). U largua nga familja (nga shtëpia). U largua nga i ati. U largua përkohësisht (përgjithnjë).
3. fig. Shkëputem nga një njeri tjetër e ftohem me të, i pres lidhjet e marrëdhëniet e afërta me të; kund. afrohem. Është larguar nga shokët (nga të afërmit). M’u largua nga zemra.
4. fig. I shmangem dikujt a diçkaje, i bëj bisht. U largohet njerëzve të panjohur. I largohet sherrit (rrezikut). U largohet fjalëve (thashethemeve). Nuk i largohet punës (përgjegjësisë).
5. vetv., vet. v. III Bëhet më i largët, shtyhet në kohë një veprim, një punë a një ngjarje; ikën a kalon një kohë e caktuar; kund. afrohet. U largua ajo ditë. U larguan ato ngjarje. U largua shumë afati.
6. Jam i ndryshëm nga dikush, nuk ngjaj me të; vet. v. III dallohet prej diçkaje tjetër, bëhet e ndryshme prej saj (për sendet, dukuritë etj.); kund. afrohem. Largohen në mendime (nga pikëpamjet, nga shijet). Largohen nga ngjyra. Largohen në disa pika (në disa drejtime).
7. vet. v. III, fig. (me një trajtë të shkurtër të përemrit vetor në r. dhanore). Më del diçka që më mundon, më ikën. Iu largua mërzia (frika). Iu largua dhimbja.
8. pës. e LARGOJ.
✱Sin.: shkoj, iki, arratisem, shporrem, çaj, shpleksem, reshtem, shpërngulem, qasem, shpërbythem, harbohem, harboj, hiqem, terem, fryhem, hapem, trumhasem, zhvendosem, zhdukem, tres, përtretem, dal, gremisem, rrëzohem, shporrem, braktis, ndahem, shqitem, lë, shkëputem, ftohem, zbaritem, mënjanohem, veçohem, tërhiqem.
♦ U largua (doli) nga *skena (dikush) libr.
LARG ndajf. 1. Në një vend jo afër nesh, në një vend të largët; në largësi të madhe nga dikush a nga diçka tjetër, jo pranë; gjatë; kund. afër, pranë. Shumë larg. Rrinë larg e larg…
Shfaq përkufizimin e plotë →LARG parafj. 1. Përdoret me një emër në rasën rrjedhore, me kuptimin “jo pranë (dikujt a diçkaje), jo afër (dikujt a diçkaje)”; kund. afër. Larg nesh. Larg shtëpisë (bregut, lumit)…
Shfaq përkufizimin e plotë →LÁRGAS ndajf. 1. Nga larg, për së largu, larg e larg; larg njëri-tjetrit; kund. afras. Fliste largas. U dëgjua largas. Fidanët mbillen largas. 2. Larg5. I foli (ia tha) largas.
Shfaq përkufizimin e plotë →LÁRGAZI ndajf. Largas; kund. afrazi.
Shfaq përkufizimin e plotë →LARGÉS/Ë,~A f. sh. ~A, ~AT 1. Largësia ndërmjet dy pikave në hapësirë. Largesë e madhe (e vogël). Largesa ndërmjet brigjeve të lumit. - Ç’largesë ka? 2. vjet. Largim. 3. Kohë e gja…
Shfaq përkufizimin e plotë →LARGÍM,~I m. sh. ~E, ~ET Veprimi kur largoj dikë a diçka ose kur largohem; kund. afrim. Largimi i dheut (i dëborës). Largimi i hedhurinave (i plehrave). Largimi nga shtëpia (nga fs…
Shfaq përkufizimin e plotë →LÁRGO mb., pandr., muz. Term në muzikë që tregon se një pjesë muzikore duhet të performohet me një ritëm shumë të ngadaltë.
Shfaq përkufizimin e plotë →LARG/ÓJ vep., ~ÓVA, ~ÚAR kal. 1. E shpie dikë larg dikujt ose diçkaje tjetër, e çoj me larg, e lëviz a e shtyj më tutje; kund. afroj. Largoj dheun (dëborën). Largoj tryezën (karrig…
Shfaq përkufizimin e plotë →LÁRGËT,~A (e) f. sh. ~A, ~AT (të) Diçka që ndodhet larg nesh; diçka që nuk shihet a që nuk dëgjohet drejtpërdrejt; ajo që kuptohet e kapet me vështirësi; kund. e afërme. Nga e afë…
Shfaq përkufizimin e plotë →LÁRGËT (i, e) mb. 1. Që gjendet ose që ndodh larg dikujt a diçkaje; që vjen ose që dëgjohet nga larg; që shtrihet shumë në hapësirë e të shpie larg, i gjatë; kund. i afërt. Fshatra…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë