Fjalë që fillojnë me...
Fjalë me të njëjtat parashtesa ose tema fjalëformuese.
LARG ndajf. 1. Në një vend jo afër nesh, në një vend të largët; në largësi të madhe nga dikush a nga diçka tjetër, jo pranë; gjatë; kund. afër, pranë. Shumë larg. Rrinë larg e larg rrinë ndarë e jo njëri pranë tjetrit. E ka larg shtëpinë. - Mos shko larg! Bie më larg andej. Është dyzet kilometra larg. Sheh larg. Vjen nga larg. Dëgjohet (duket) nga larg. Thirri nga larg. E hodhi gurin larg. Tret shikimin (vështrimin) larg shikon larg, e hedh vështrimin tutje i harruar.
2. Pas shumë kohe, pasi kalon shumë kohë; shumë kohë përpara; kund. afër. Jo më larg se nesër (se tre muaj më parë). Është larg dita kur...
3. Me lidhje gjaku ose me lidhje familjare jo të ngushta; kund. afër. Është larg me të. Bien larg.
4. Me dallime të mëdha nga dikush a nga diçka tjetër, me tipare të largëta me të; kund. afër. Janë larg njëri-tjetrit. Qëndrojnë larg as që mund të krahasohen.
5. fig. Tërthorazi, jo drejtpërdrejt; pa i qëndruar afër e pa i kushtuar vëmendje të veçantë; kund. afër. I sheh nga larg. Drejton nga larg. E ka (e mban) larg dikë. I rri (i qëndron) larg. Ia tha (i foli) larg e larg.
✱Sin.: tutje, tejmatanë, andej, matanë, lashtë, tërthorazi.
LARG parafj. 1. Përdoret me një emër në rasën rrjedhore, me kuptimin “jo pranë (dikujt a diçkaje), jo afër (dikujt a diçkaje)”; kund. afër. Larg nesh. Larg shtëpisë (bregut, lumit). Larg qytetit.
2. Përdoret me një emër në rasën rrjedhore, me kuptimin “shumë kohë përpara a pas (një çasti, një kohe, një moshe etj.)”. Jo shumë larg kohëve tona. Është larg të dyzetave.
♦ E hedh gurin larg (dikush). 1. Është i fuqishëm e i zoti dhe arrin atë që s’e arrijnë dot të tjerët. 2. E ka gjetkë fjalën ose synon diçka më shumë nga sa e shpreh, rreh diku a për diçka më të thellë; godet (qëllon) larg. Godet (qëllon) larg (dikush) mendon a flet për diçka tjetër, që do të vijë a që duhet nënkuptuar, gjetkë e ka fjalën; rreh diku a për diçka më të thellë; e hedh gurin larg; rreh (nget) larg; lodra bie për tjetër valle. Është larg *mendsh (diçka). Larg *duart (nga dikush a nga diçka) libr. Larg e larg tërthorazi, jo drejtpërdrejt, duke i ardhur anës, që dikush ta nënkuptojë vetë thelbin e çështjes; anës e anës; rrotull e rrotull; rreth e rreth; qark e qark; i vjen (i bie) rrotull (diçkaje). Larg nesh! shih larg qoftë! Larg qoftë! mos na ndodhtë gjë neve!; mos ndodhtë kurrë! (një gjë e keqe); larg nesh! E mbaj larg (dikë) nuk lidh miqësi të ngushtë me dikë, sillem ftohtë me të, nuk e afroj; i rri (i qëndroj) larg1 (dikujt); kund. e mbaj afër. Qëndron larg (dikujt) as që mund të krahasohet me dikë, është shumë prapa tij ose më poshtë se ai (nga vlerat, nga aftësitë etj.). Rreh (nget) larg (dikush) e ka fjalën gjetkë, kërkon a do të thotë diçka tjetër; flet me figura; synon një gjë tjetër në të ardhmen; godet (qëllon) larg; vret larg; lodra bie për tjetër valle. I rri (i qëndroj) larg. 1. (dikujt) I ruhem dikujt, nuk i afrohem për shoqëri e nuk lidhem drejtpërdrejt me të, nuk krijoj afri me të; e mbaj larg (dikë); kund. i rri (i qëndroj) afër. 2. (diçkaje) Nuk do që të merret me diçka, i shmanget (një pune a një çështjeje të vështirë, të rrezikshme etj.). Shkoi larg. 1. (dikush) E teproi duke menduar keq për dikë a për diçka, përfytyron gjëra që s’mund a s’duhet të ndodhin; e kaloi (e kapërceu) kufirin. 2. (diçka) I ka kaluar caqet, ka vajtur thellë, ka arritur puna në atë shkallë, sa s’mund të ndalet a të ndreqet më. Sheh larg (dikush) është largpamës; mendon më shumë për të ardhmen; sheh përtej bjeshke; sheh prapa malit. E sheh nga larg (dikë a diçka) nuk i kushton vëmendje të veçantë, nuk merret drejtpërdrejt me të; është indiferent e mospërfillës. Vret larg (dikush) ka një qëllim të largët, synon diku tjetër; e ka fjalën për diçka tjetër më të thellë, që mund të mos kuptohet gjithnjë nga të tjerët; rreh (nget) larg; lodra bie për tjetër valle.
LÁRGAS ndajf. 1. Nga larg, për së largu, larg e larg; larg njëri-tjetrit; kund. afras. Fliste largas. U dëgjua largas. Fidanët mbillen largas. 2. Larg5. I foli (ia tha) largas.
Shfaq përkufizimin e plotë →LÁRGAZI ndajf. Largas; kund. afrazi.
Shfaq përkufizimin e plotë →LARGÉS/Ë,~A f. sh. ~A, ~AT 1. Largësia ndërmjet dy pikave në hapësirë. Largesë e madhe (e vogël). Largesa ndërmjet brigjeve të lumit. - Ç’largesë ka? 2. vjet. Largim. 3. Kohë e gja…
Shfaq përkufizimin e plotë →LARGÉTO,~JA f. sh. ~, ~T muz. Tregues tempi në mënyrën si ekzekutohet një pjesë muzikore.
Shfaq përkufizimin e plotë →LARGÍM,~I m. sh. ~E, ~ET Veprimi kur largoj dikë a diçka ose kur largohem; kund. afrim. Largimi i dheut (i dëborës). Largimi i hedhurinave (i plehrave). Largimi nga shtëpia (nga fs…
Shfaq përkufizimin e plotë →LÁRGO mb., pandr., muz. Term në muzikë që tregon se një pjesë muzikore duhet të performohet me një ritëm shumë të ngadaltë.
Shfaq përkufizimin e plotë →LARG/ÓJ vep., ~ÓVA, ~ÚAR kal. 1. E shpie dikë larg dikujt ose diçkaje tjetër, e çoj me larg, e lëviz a e shtyj më tutje; kund. afroj. Largoj dheun (dëborën). Largoj tryezën (karrig…
Shfaq përkufizimin e plotë →LÁRGU (së) ndajf. Nga larg, që larg. E pa së largu. Dallohet së largu. Nuk shquhet për së largu. Së largu nuk e njohu. Për së largu pa u treguar i afërt me dikë, pa i kushtuar vëme…
Shfaq përkufizimin e plotë →LÁRGËT,~A (e) f. sh. ~A, ~AT (të) Diçka që ndodhet larg nesh; diçka që nuk shihet a që nuk dëgjohet drejtpërdrejt; ajo që kuptohet e kapet me vështirësi; kund. e afërme. Nga e afë…
Shfaq përkufizimin e plotë →LÁRGËT (i, e) mb. 1. Që gjendet ose që ndodh larg dikujt a diçkaje; që vjen ose që dëgjohet nga larg; që shtrihet shumë në hapësirë e të shpie larg, i gjatë; kund. i afërt. Fshatra…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë