Fjalori
KYÇJE

KÝÇJ/E,~A f. 1. Mbyllja me kyç a me çelës. Kyçja e kasafortës (e dhomës).
2. edhe fig. Përmbyllje.
✱Sin.: mbyllje, përmbyllje, kyçosje, izolim, ngujim.

Rezultate të tjera nga lematizimi ose nga ngjashmëria me formën përfaqësuese: KYÇ
KYÇ

KÝÇ,~I m. sh. ~E, ~ET 1. Dry metalik që shërben për të mbyllur një derë, një dollap etj.; çelës. Mbyll (hap) me kyç.
2. anat. Vendi ku lidhen dy eshtra a dy kocka; nyjë. Kyçi i dorës (i këmbës). Më dhembin (më çajnë) kyçet.
3. fig. Gjë kryesore dhe e rëndësishme nga e cila varet zgjidhja e disa çështjeve.
4. si mb., edhe fig. Kryesor, më i rëndësishëm, që ndihmon për zgjidhjen e një problemi a të disa punëve. Problem kyç.
✱Sin.: çelës, dry, nyjë, noçkë, kryesor.
♦ Kyç * e liga! Ngushëllime. I vuri çelësin (kyçin, drynin) (diçkaje). 1. E mbylli diçka, e ndërpreu, nuk e vijon më tej; nuk lë që të punohet më diku, e ndërpreu punën a veprimtarinë përfundimisht; i vuri kapak (kapakun). 2. E mbylli përfundimisht një çështje për të mos e hapur më; i vuri kapak (kapakun). I vuri kyçin (drynin) gojës (dikush) nuk foli më; vendosi të mos flasë, të mos përgjigjet a të mos tregojë; e mbylli (e kyçi, e mbërtheu, e qepi) gojën. I vuri kyçin (drynin, çelësin) shtëpisë (dikush). 1. E ka mbyllur shtëpinë a nuk banon më aty për një kohë të gjatë; iku nga shtëpia për shumë kohë; i vuri çelësin shtëpisë. 2. Vdiq dhe nuk la njeri pas vetes, e la shtëpinë të shkretë; i vuri çelësin shtëpisë; iu shua pragu (dikujt).

KYÇ

KÝÇ vep., ~A, ~UR kal. 1. Mbyll me çelës diçka (një derë, një dollap etj.); kund. shkyç. Kyç derën (dhomën, sirtarët).
2. Mbyll brenda dikë dhe nuk e lë të dalë jashtë; ngujoj. E kyçën brenda dhe s’ka nga del.
3. edhe fig. Vendos përfundimisht për një çështje a problem; përmbyll. E kyçëm këtë çështje dhe s’kemi çfarë të diskutojmë.
✱Sin.: mbyll, ndryj, ngujoj, kyços, përmbyll, kopsit.
♦ E kam kyçur në *zemër (në shpirt) (dikë a diçka).

KYÇ

KYÇ,~E mb. Që ka të bëjë me kyçin; që i përket kyçit; kryesor. Çështje kyçe.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë