Fjalori
KUQEM

►KÚQ/EM jovep., ~A (u), ~UR 1. vetv. Skuqem; përskuqem (në fytyrë, në faqe etj.). U kuqa në diell. M’u kuqën sytë.
2. vetv., vet. v. III Bëhet si i kuq. U kuq qielli.
3. pës., vet. v. III e KUQ.
✱Sin.: skuqem, përskuqem.

Rezultate të tjera nga lematizimi ose nga ngjashmëria me formën përfaqësuese: KUQ
KUQ

KÚQ vep., ~A, ~UR kal. 1. Ngjyej me bojë të kuqe; i vë ngjyrë të kuq diçkaje, vë buzëkuq; skuq. Kuq buzët.
2. Fërgoj, tiganis; skuq. Kuq vezë (peshkun). Kuq patate (qepën).
3. Bëj të skuqet; përskuq diçka. Kuq kurrizin në diell bëj plazh në diell.
✱Sin.: skuq, fërgoj, tiganis, përskuq.

KUQ

KUQ (i), ~E (e) mb. 1. Që ka ngjyrën e gjakut. Ngjyra (boja) e kuqe. Flamur i kuq. Këmishë e kuqe. Me buzë të kuqe.
2. Që ka ngjyrë a bojë të ngjashme me atë të gjakut; që është i ngjashëm me këtë ngjyrë; që duket si kjo ngjyrë; i kuqërremë. Verë e kuqe. Qiell i kuq. Tokë e kuqe.
3. I skuqur; i përskuqur (për lëkurën a pjesë të tjera të trupit, për mishin etj.). Me fytyrë (me faqe), të kuqe.
4. Pjesë e dytë e disa emërtimeve të pathjeshta nga fusha e botanikës, e zoologjisë etj. Ferrë e kuqe (bot.) ferrëkuqe, drizë. Panxhar i kuq (bot.) lloj panxhari me tul të kuq. Morr i kuq (zool.) lloj morri me ngjyrë të kuqërreme. Merimanga e kuqe (zool.) lloj merimange me trup të kuqërremë.
5. fig. Që është karakteristik për komunistët, që lidhet me një parti komuniste me program majtist etj. Ide (pikëpamje) e kuqe. Komisar i kuq.
✱Sin.: i kuqërremë, komunist.
♦ Nuk bën *vezë të kuqe (dikush) iron. Kur të bjerë *bora e kuqe. Derisa të bjerë *shi i kuq. Dola me *këpucë të kuqe. Hap (ndez) *dritën e kuqe libr. Është *piper i kuq (dikush) përçm. Kur të këndojë *qyqja e kuqe (nga bishti) iron. Në *muaj të kuq mospërf. (Njihet) si *paraja e kuqe (dikush) mospërf. *Pelë plakë me palldëm të kuq përçm. Kur të qethen *dhentë e kuqe iron. Vete te *molla e kuqe.

KUQ

KUQ, ~I (i) m. Bojë e kuqe që përdorin gratë e vajzat për të lyer buzët; buzëkuq; të kuqtë. Hoqa (lava) të kuqin).
✱Sin.: të kuqtë, buzëkuq.

KUQ

KÚQ, ~TË (të) as. 1. Të qenët i kuq. Të kuqtë e hapur.
2. Ngjyrë a bojë e kuqe; e kuqja; të përskuqurit. I ra një të kuq (në fytyrë) u përskuq (në fytyrë).
3. Pjesë e parë e disa emërtimeve të pathjeshta nga fusha e mjekësisë. Të kuqtë e madh (mjek.) sëmundje e rëndë ngjitëse që shfaqet me mahisje, me ënjtje dhe me skuqje të lëkurës.
4. Laps me bojë të kuqe që përdorin gratë për të lyer buzët etj.; buzëkuq. Lyej buzët me të kuq.
✱Sin.: i kuq, buzëkuq, e kuqe.

Rezultate të ngjashme

KUQE

KUQ/E (e), ~JA (e) f. sh. ~E, ~ET (të) 1. Ngjyra a boja e kuqe. E kuqe e çelur (e mbyllur). 2. Diçka si e kuqe; e verdha e vezës. Veshje e kuqe. Vezë me dy të kuqe.♦ Ta jep *vezën …

Shfaq përkufizimin e plotë →
KUQEZI

KUQEZÍ mb. Që ka ngjyrë të kuqe dhe të zezë. Flamuri kuqezi flamuri kombëtar shqiptar.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë