Fjalori
KTHYER

KTHÝER (i, e) mb. 1. Që është kthyer në vendin nga është nisur. Emigrantë të kthyer.
2. tek. I përkulur; që ka trajtë të lakuar. Drejtonte telat e kthyer.
3. Që është kthyer nga ana tjetër (për një veshje, jakë etj.). Pallto (jakë) e kthyer. Xhaketë e kthyer. Mëngë të kthyera.
4. fig. I shlyer. Borxh i kthyer.
5. bised. Që është kthyer (në provim); i ngelur në klasë (për studentë a nxënës).
✱Sin.: i përkulur, i lakuar, i përveshur, i shlyer, i ngelur, ngelës.

KTHYER

KTHÝER,~A (e) f. sh. ~A, ~AT Kthim, të kthyerit.

Rezultate të tjera nga lematizimi ose nga ngjashmëria me formën përfaqësuese: KTHEHEM
KTHEHEM

►KTH/ÉHEM jovep., ~ÉVA (u), ~ÝER 1. vetv. Vij përsëri në vendin nga ku jam nisur a nga ku kam ardhur. Kthehem mbrapsht. U ktheva në shtëpi. U kthye në atdhe (nga emigracioni, nga pushimet, nga leja).
2. vetv. Ndërroj qëndrimin e trupit, duke u rrotulluar në anën tjetër; risillem (me trup). Kthehem në kurriz (në shpinë, në bark). Kthehem majtas (djathtas, përmbys, mënjanë, brinjas).
3. bised., vetv. Ndaloj ecjen ose udhëtimin që kam nisur dhe shkoj a vete diku; kthej. U ktheva nga motra (nga gjyshja).
4. vetv. (me trajtë të shkurtër përemërore) Rifilloj të bëj të njëjtën punë a veprim që kam bërë më parë. Iu kthye punës (profesionit të mëparshëm).
5. bised., vetv. Ndal të folurit dhe ndërroj temën e bisedës a të të folurit; rifilloj të flas për të plotësuar diçka ose për të sqaruar atë që kisha lënë pa thënë. Kthehemi atje ku e lamë.
6. bised., vetv. (me trajtë të shkurtër përemërore) I drejtohem menjëherë dikujt me fjalë; i vërsulem dhe i përgjigjem shpejt në një mënyrë tjetër. Iu kthye me të ashpër (me të mirë).
7. vetv., vet. III Shndërrohet a bëhet papritur në një gjendje tjetër. Hidhërimi u kthye në gëzim.
8. edhe fig., vetv. Bëj kthesë; ndërroj sjelljen a qëndrimin e mëparshëm. U kthye në rrugë të mbarë. S’kthehet prapa ai.
9. vetv., vet. v. III (me trajtë të shkurtër përemërore) Më vjen një dëshirë a një ndjenjë e ndryshme ose e kundërt me atë të mëparshme. Iu kthye besimi (shpresa, vullneti).
10. pës. e KTHEJ.
✱Sin.: ndalem, prirem, përgjigjem, vërsulem, shndërrohet.
♦ Është kthyer *mbarë (dikush) euf. M’u kthye (më ndërroi) *mendja. Nuk kthehet prapa *(dikush). Vajti në atë *botë dhe u kthye (dikush).

Rezultate të ngjashme

KTHYERI

KTHÝERI,~T (të) as. Kthim. Të kthyerit mbrapsht.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë