Fjalori
KRISJE

KRÍSJ/E,~JAI f. sh. ~E, ~ET 1. Çarje; plasje.
2. Plasë, e çarë; vendi ku është çarë (për një xham, një gotë etj.); krisë. Ka (është) një krisje këtu. E ngjiti krisjen.
3. Krismë. Krisje e dobët (e fortë). Dëgjoheshin krisje.
✱Sin.: krisë, e krisur, të krisurit, e çarë, çarje, plasje, plasë, krismë, kërcëllimë, bubullimë, kërcitje.

KRISJE

KRÍSJ/E,~JAII f. sh. ~E, ~ET bot. Gram.

KRISJE

KRÍSJE mb. Që i pëlcet a që i kris cipa kur piqet; krepje (për një frutë, për kokrrën e një peme etj.). Qershi krisje.
✱Sin.: krepje, çarës.

Rezultate të tjera nga lematizimi ose nga ngjashmëria me formën përfaqësuese: KRIS
KRIS

KRÍS vep., ~A, ~UR 1. jokal., vet. v. III Merr të plasur; çahet (për një xham, për një gotë prej qelqi a prej porcelani etj.); kriset. Krisi gota (xhami, filxhani, pjata).
2. kal. dhe jokal. Bëj që të marrë të plasur a të çarë (një enë a një send prej qelqi etj.); çaj, plasarit. E krisi plaku gotën.
3. jokal., vet. v. III Nxjerr një tingëllimë a një krismë të mprehtë e të thatë; kërcet. Krisi dera.
4. edhe fig., jokal. Nis diçka, fillon papritur e menjëherë, ndonjëherë edhe me shpërthim, me krismë a me zhurmë; pëlcet. Krisi arma (pushka). Krisi lufta. Krisi grushti. Krisi kënga (muhabeti, shakaja). Krisi shamata (e qeshura).
5. fig., jokal. Nis të çmendem; çmendem. Krisi nga mendtë.
6. jokal. Ngrihem nga vendi menjëherë dhe filloj një lëvizje a veprim. Krisa dhe ika. Ia krisi vrapit. Ia krisi me të katra.
✱Sin.: çaj, çahet, plasaritet, pëlcet, kërcet, çmendem.
♦ I ka krisur një *dërrasë (dikujt) tall. I krisi *koka (dikujt). I krisi *mendja (dikujt).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë