Fjalori
KLLAPË

KLLÁP/Ë,~Af. sh. ~A, ~AT 1. Mandall a rreze e derës, e dollapit, e dritares etj. Kllapë druri (hekuri). Kllapa e portës. I vuri kllapën derës.
2. Grremçi i një grepi, i një shtize etj. Shtizë me kllapë.
3. Kapaku që mbyll një kuti, një dritare etj. Hapi kllapën.
4. kryes. sh., bised. Zinxhirë ose hekura që përdor policia për t’i lidhur duart një njeriu të arrestuar a të burgosur. Përmbaruesi i vuri (i hoqi) kllapat hajdutit.
5. Copë dërrase që u vihet kafshëve të punës në këmbë kur kullot, për ta penguar që të vrapojë a të largohet. Kuajt kullosin me kllapa në këmbë.
6. edhe fig., zakon., shpërf. Kurth; lak; grackë. E futi në kllapë. Ra në kllapë (dikush). Shpëtoi nga kllapa.
6. kryes. në sh., mat., gjuh. Shenjë pikësimi e përbërë nga dy vija të harkuara ose të thyera. Hap (mbyll) kllapat.
✱Sin.: kapak, gëthep, mandall, kulajkë, grremç, hekura, kurth, lak, grackë.
♦ Ra në kllapë (dikush) shih ra në kurth (dikush). E shtiu (e futi) në kllapë (dikë) shih e shtiu (e futi) në kurth (dikë).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë