Fjalë që fillojnë me...
Fjalë me të njëjtat parashtesa ose tema fjalëformuese.
KAPËRC/ÉJ vep., ~ÉVA, ~ÝER 1. kal. dhe jokal. Kërcej matanë diçkaje, kaloj përsipër një muri, një gardhi etj.; kaptoj. Kapërcej lumin. Kapërcej murin (gardhin, traun).
2. kal. Marr dikë a diçka me vete për ta çuar matanë një lumi, një pengese etj. Kapërceva matanë lumit fëmijët e mi me një barkë.
3. kal. Përshkoj një hapësirë gjeografike, një vend, një fshat etj., duke ecur më këmbë, me një automjet etj. Kapërcyem qafën e malit (kufirin, male e fusha).
4. kal. Gëlltit një ushqim, një gllënjkë uji etj.; kapërdij. Kapërcej ushqimin (gllënjkën, pështymën).
5. edhe fig., kal. Kaloj nga një gjendje e vështirë në një gjendje më të mirë, duke u sforcuar (me mundime e përpjekje); mposht (një rrezik a vështirësi); kaloj. Kapërcyem krizën ekonomike (prapambetjen, betejën për jetesë, rrezikun).
6. edhe fig., kal. Kaloj një periudhë kohe, një masë a një moshë zakonisht në raport me një tjetër; tejkaloj. Kapërceva të tetëdhjetat. Kapërceu në moshën madhore. Kishte kapërcyer mesin e natës. E kapërceva vëllanë (në shtatgjatësi). E kapërcyem parashikimin (zotimin).
7. jokal., vet. v. III Kalon një periudhë a një cak kohor. Kishte kaluar mesi i natës.
8. kal. Lë diçka pa përmendur ose pa lexuar. Më falni, kapërceva çështjen kryesore!
9. bised., kryes. jokal. Flas a veproj pa menduar ose pa gjykuar mirë; lajthit. Kishte kapërcyer ai.
✱Sin.: kërcej, kaptoj, kaloj, gëlltit, kapërdij, kaloj, tejkaloj, përballoj, mposht, gris, hedh, lajthit.
♦ *Bjeri e kapërce keq. S’e kapërcen (s’e kalon) *avllinë (dikush). E kapërceu (e kaloi) *cakun. E kapërcen *fjalën (dikush). E kapërceu (e kaloi) *kufirin (dikush). E kapërceu (e hodhi) *ledhin (dikush). E kapërceu (e kaloi) *masën (dikush). I kapërceu *mendja (dikujt). E kapërceu *murin (dikush). Kapërceu (gëlltiti) *pështymën (dikush). E kapërceu (e kaloi) *pragun (dikush).
►KAPËRCÉ/HEM jovep., ~ÉVA (u), ~ÝER 1. vetv. Gëlltitem; kapërdihem. Nuk kapërcehem dot. 2. vetv., vet. v. III Ndërzehet (bagëtia).3. pës. e KAPËRCÉJ. ✱Sin.: gëlltitem, kapërdihem, …
Shfaq përkufizimin e plotë →KAPËRC/ÉJ vep., ~ÉVA, ~ÝER 1. kal. dhe jokal. Kërcej matanë diçkaje, kaloj përsipër një muri, një gardhi etj.; kaptoj. Kapërcej lumin. Kapërcej murin (gardhin, traun).2. kal. Marr …
Shfaq përkufizimin e plotë →KAPËRCÍM,~I m. sh. ~E, ~ET 1. Kalimi mbi dikë a diçka duke u hedhur; kërcimi, hedhja matanë. Kapërcimi i kaluçit (sport.). Kapërcimi i kanalit (i përroit, i lumit). 2. Kalimi i një…
Shfaq përkufizimin e plotë →KAPËRCÍMTHI ndajf. 1. Me kapërcim a me kapërcime; duke kapërcyer. Ecte kapërcimthi. 2. Kalimthi. U takuam kapërcimthi. Lexonte kapërcimthi.✱Sin.: kalimthi, kapërdimthi.
Shfaq përkufizimin e plotë →KAPËRCÝE/LL,~LLI m. sh. ~J, ~JTË 1. Shteg kalimi; vendkalim i ngushtë (për një grykë a qafë mali etj.). Mbeti në kapërcyell të malit (të kodrës, të gardhit, të rrjedhës së lumit).2…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë