Fjalori
KALITEM

►KALÍT/EM jovep., ~A (u), ~UR 1. tek., vetv., vet. v. III Forcohet a bëhet më i fortë dhe më i qëndrueshëm duke u farkëtuar (për një metal a mjet prej metali); farkëtohet, çelikoset. Kalitet hekuri, por jo giza.
2. vetv., kryes. v. III Mprihet, bëhet më i mprehtë a më i fortë për të prerë diçka ose për të kryer më mirë funksionin e vet (për një mjet prerës, për gurin e mullirit etj.), duke e farkëtuar, duke e cokatur me çekan etj. (për kosën, gurin e mullirit etj.); farkëtohet. U kalit sqepari (kosa).
3. fig., vetv. Forcohem fizikisht e moralisht, duke u stërvitur në kushte të vështira, për t’u bërë i aftë që të rezistoj ose të përballoj çdo pengesë a çdo punë; mësohem të jetoj dhe të punoj më shumë e më mirë në kushte të tilla; çelikosem. U kalitëm në luftë me vështirësitë.
4. pës. e KALÍT.
✱Sin.: farkëtohem, farkohem, mprihet, forcohem, regjem, çelikosem.

Rezultate të tjera nga lematizimi ose nga ngjashmëria me formën përfaqësuese: KALIT
KALIT

KALÍT vep., ~A, ~UR kal. 1. tek. Forcoj përbërjen e një metali, e një detali a një vegle, duke e nxehur në zjarr dhe duke e futur menjëherë në ujë të ftohtë; farkëtoj. Kalit hekurin.
2. Mpreh thikën, kosën, sqeparin etj. duke e farkëtuar ose me gur mprehës. Kalit kosën (sqeparin, kazmën).
3. Cokas me çekiç a me daltë gurin e mullirit për të bluar më mirë. Kalit gurin e mullirit.
4. fig. E bëj dikë më të fortë fizikisht e moralisht; ia forcoj vullnetin a e edukoj, duke e stërvitur në kushte të vështira pune, klimaterike etj.; e përgatit, e stërvit dikë për të rezistuar ose për t’u profesionalizuar; e regj; e çelikos. Kaliti ushtarët (brezin e ri) për luftë. Kalit vullnetin (ndërgjegjen).
✱Sin.: farkëtoj, farkoj, mpreh, cokat, regj, çelikos.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë