Fjalori
KALBEM

►KÁLB/EM jovep., ~A (u) ~UR 1. vetv., kryes. v. III (edhe me trajtë të shkurtër përemërore). Dekompozohet lënda organike e trupit të një njeriu a të një kafshe, të një organi etj. (kur mungon qarkullimi i gjakut). Indi kalbet kur njeriu vdes. M’u kalb trupi (dora, këmba).
2. edhe mjek., vetv., kryes. v. III Zë qelb a përkeqësohet një plagë; shndërrohet në tumor; gangrenizohet. I ishte kalbur veshka.
3. fig., bised., vetv. Tretem, dobësohem, ligem; bie a vuaj shpirtërisht e moralisht ose mërzitem, duke qëndruar gjatë pa lëvizur në një mjedis të mbyllur dhe humbas gjallërinë, freskinë etj.; zvetënohem, kalbëzohem; mykem. U kalba në shtrat (në këtë moshë që jam).
4. edhe fig., vetv., vet. v. III Humbet freskinë, njomështinë, vlerat ushqimore (një bimë a frutë etj.).
5. fig., vetv., kryes. v. III Degjeneron; vjetrohet dhe nuk funksionon. U kalb sistemi i vjetër shoqëror.
6. pës. e KALB.
✱Sin.: kalbëzohem, dekompozohet, shpërbëhet, prishet, gangrenizohet, tretem, mykem, zvetënohem, grymosem, degjeneron.
♦ Iu kalbën *trutë (dikujt).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë