Fjalori
HOVJE

HÓVJ/E,~A f. sh. ~E, ~ET 1. Veprimi kur marr hov, kërcej a nisem me vrull.
2. Hov, vrull.
✱Sin.: vrull, hov, të hovurit.

Rezultate të tjera nga lematizimi ose nga ngjashmëria me formën përfaqësuese: HOV
HOV

HOV,~I m. sh. ~E, ~ET 1. Lëvizje e shpejtë dhe e menjëhershme e dikujt a e diçkaje; vrulli e forca e dikujt a e diçkaje që lëviz me të shpejtë. Me hov të madh. Hovi i ujit (i erës). Mori hov. E rriti (e shtoi) hovin. E ndali hovin. U hodh me hov. Bëj hov sulem, sulmoj.
2. fig. Zhvillim shumë i shpejtë i dikujt a i diçkaje, rritje e vrullshme; përparim me të gjitha forcat, lulëzim i madh; vrull. Hov i madh (i pandalshëm, i fuqishëm). Hov i brendshëm. Hov rinor (djaloshar). Hov krijues. Hovi i ekonomisë (i industrisë, i teknikës, i shkencës). Hovi i mendimit krijues. Ka marrë hov pema (gruri, misri). Ka marrë hov nga shtati. I jap hov diçkaje. Ia preu hovin.
3. bised. Herë, hop. Në atë hov atëherë. Me një hov menjëherë. Rrimë një hov. Me dy (tre) hove. Ha shumë në një hov.
✱Sin.: vrull, herë, çast, moment.
♦ Merr hov (dikush a diçka) nis të zhvillohet a të veprojë me vrull, ngrihet a përparon më me forcë; merr valë (diçka); merr dallgë. Ia pret hovin (dikujt a diçkaje) e bën të ndalet në një veprim, e frenon, ia thyen vrullin; ia pret vrapin.

HOV

HOV -vep., ~A, ~UR 1. jokal. Kërcej me vrull e me shpejtësi përpjetë; hidhem diku, kërcej në një drejtim. Hovi përpjetë (lart, përpara, anash). I hovi në qafë iu hodh në qafë. I hovi ndër këmbë i ra ndër këmbë. Hovi nga karrigia. Hovi në ujë. Hovte nga gëzimi. Gjoksi i hovte përpjetë.
2. jokal. Turrem me vrull diku, sulem, vërsulem. Hovi jashtë. Hovi në rrugë. Hovni, o burra!
3. edhe fig., vet. v. III. Rritet e zhvillohet shpejt. Hovi gruri (misri). Hovën të lashtat. Hovi bari. I hovi shumë shtati.
4. edhe kal. Shkoj shpejt nga poshtë lart, kërcej në një vend më të lartë nga ai ku jam, ngjitem me vrull diku; ngjitem, hipi; kund. zbres. Hovi lart. I hovi kalit. I hovi pemës. Hovi në çati. Hovi në kalë. Hovi në makinë (në tren). Hovi në majë. Hovi shkallët.
5. edhe kal. Kapërcej diçka me vrull e i dal matanë. Hovi matanë. E hovi gardhin (murin). E hovi hendekun (lumin). Nuk e hovi dot.
✱Sin.: kërcej, turrem, sulem, vërsulem, ngjitem, hipi, harlis.
♦ Hovi (kërceu, u hodh) *përpjetë (dikush).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë