Fjalë që fillojnë me...
Fjalë me të njëjtat parashtesa ose tema fjalëformuese.
HÍPJ/E,~A f. sh. ~E, ~ET 1. Veprimi i ngjitjes a i ngritjes nga një vend i ulët në një vend më të lartë; kund. zbritje. Hipja në shkallë. Hipje në çati. Hipja në pemë. Hipja në mur. Hipja në mal (në kodër, në bjeshkë). Hipje me shkallë. Hipje me ashensor. Hipje në majë.
2. Veprimi i ngjitjes a i zënies së vendit për të udhëtuar në një mjet udhëtimi (makinë, tren, avion etj.) a mbi një kafshë; të hipurit. Hipja e fëmijëve në tren. Hipja mbi shpinën e kalit. Hipje e avionit mbi re. Vendi i hipjes. Hipje e shpejtë (e ngadaltë).
3. Veprimi i ngjitjes a i rritjes në një post, detyrë, gradë a shkallë më të lartë. Hipje në përgjegjësi.
4. Rritja në vëllim, në denduri etj.; rritja e nivelit, e vlerës a e çmimit të diçkaje. Hipja e kursit të valutës. Hipja e çmimeve. Hipja e temperaturës të sëmurit.
5. Kalimi në një gjendje të caktuar shpirtërore dhe psikologjike a në ndjenja a ndjesi të caktuara. Hipje inati (mërzie, dëshirë). Hipja e një të qeshure.
HÍP/I vep.,~A, ~UR 1. jokal. edhe kal. Zhvendos nga poshtë lart, shkoj e vendosem në një vend më të lartë nga ai ku jam, ngjitem; lëviz lart, bëj përpjetë duke u ngjitur me shkallë a me diçka tjetër; kund. zbres. Hipi në çati. Hipi në katin e dytë (të tretë). Hipi në shtyllë. Hipi në pemë (në fik, në kumbull). I hipi lisit. Hipi në majë. Hipi nëpër shkallë. Hipi në mal (në kodër, në bjeshkë). Hipi mbi karrige. Hipi mbi mur. Hipi në skenë (për të dhënë shfaqje). Hipi me këmbë (me ashensor). Hipi shkallët. Hip e zbrit. Hipi lart. Hipi shpejt (fluturimthi, ngadalë).
2. jokal. Zë vend mbi një kafshë ose në një mjet udhëtimi për të shkuar diku; kund. zbres. I hipi kalit (mushkës, gomarit, qerres etj.). I hipi karrocës (biçikletës, motoçikletës, veturës, kamionit, autobusit, trenit, anijes, barkës, aeroplanit). Hip lart!
3. kal. E vë dikë a diçka në një vend më të lartë se aty ku është, e mbart dhe e çoj më lart; e ngre a e çoj lart, e ngjit diku; kund. zbres, ul. E hipi tryezën lart. I hipi plaçkat në katin e dytë. E hipi bagëtinë në mal (në bjeshkë). I hipën arkat në kamion.
4. kal. E vë dikë a diçka mbi një kafshë ose në një mjet udhëtimi për ta dërguar në një vend tjetër, e ngarkoj; e shpie në një vend tjetër më të lartë; kund. zbres. E hipën nusen në kalë. E hipi djalin në karrocë (në biçikletë, në autobus, në anije). I hipën arkat në kamion.
5. jokal. Ngjitem diku lart në hapësirë; shkoj a fluturoj shumë lart; kund. zbres, ulem. Dielli kishte hipur dy hostenë. Mjegulla hipi mbi qytet. Tymi hipi gjer te retë. Hipën me aeroplan deri në dhjetë mijë metra. Shqiponja hipën shumë lart.
6. bised., jokal., vet. v. III Rritet shumë, zhvillohet tej mase; e zë dhe e mbulon diçka. Hipi bari. Gruri po hipën. U kanë hipur barërat e këqija të lashtave. I hipi zjarri shtëpisë e mbuloi zjarri shtëpinë.
7. bised., kal. E vë në një detyrë më të lartë, e caktoj në një punë më të rëndësishme, e ngre në përgjegjësi; ngjitem në një gradë a një shkallë më të lartë; kaloj një vit më lart (në moshë ose në shkollë etj.). Hipi në përgjegjësi. Hipi në klasën e tretë. Mbushi pesë vjet dhe hipi në gjashtë. Hipi në detyrë (në gradë, në kategori).
8. bised., edhe kal., vet. v. III Ngrihet më lart vlera e diçkaje; rritet çmimi i një malli; e bëj më të madh, e rrit, e shtoj. Nuk ka hipur vaji (gjalpi, sheqeri). Nuk kanë hipur çmimet. Ka hipur kursi i valutës.
9. fig., jokal. Bie në një gjendje shpirtërore të caktuar, më zë a më pushton një ndjenjë ose diçka tjetër; vij në një gjendje të caktuar për shkak të diçkaje. I hipi meraku. Më hipi kureshtja (dëshira). Më hipi gazi (një e qeshur). I hipi qejfi për të kënduar. Më hipi gjumi. I hipën nervat u nevrikos. Ç'të ka hipur sot?
10. bised., vet. v. III Rritet diçka, arrin një shkallë më të lartë; vjen menjëherë e me shumicë. Hipi temperatura (të nxehtët, vapa). I hipi zjarrmia (zjarri, të nxehtët) fëmijës. I hipën ethet. I ka hipur shëndeti i lig.
11. bised., vet. v. III Ngrihet a rritet niveli i diçkaje, fryhet diçka. Ka hipur deti (lumi, liqeni). Hipi niveli i ujit.
✱Sin.: zhvendos, ngre, shtoj, ngrihet, ngjitet, zhvillohet, rritet, fryhet, shtohet.
♦ I ka hipur *breshkës (dikush) iron. I ka hipur *cjapit (dikush) tall. I hipën (i kërcyen) dreqrit (*djajtë) (dikujt). Hipi në *fron (dikush). Hipi në *fuqi (dikush). I hipi *gjaku në kokë (në tru) (dikujt). I hipën (i kërcyen) *kacabunjtë (dikujt). S’i kam hipur atij *kali. Ua hipi *këmbëve shaka. I hipi në (mbi) *kokë (dikujt). I hipi (i kërceu) në *kokë (në krye) (dikujt). I ka hipur në kurriz (në *shpinë) (dikujt). I hipën *orët (dikujt). I hipi *përsipër (dikujt). I ka hipur në *qafë (dikujt). I ka hipur *qibra (dikujt) keq. I hipën *qipujt (dikujt). I hipi *qypit (dikush). I hipi rreshku (dikujt). I ka hipur në *shpinë (në kurriz) (dikujt). Më hipi (më kërceu) në *tru. I hipën *xhindët (dikujt). Hip e zbrit tutje-tëhu, poshtë e lart, çap e jak. I ka hipur në *zverk (dikujt).
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë