Fjalë që fillojnë me...
Fjalë me të njëjtat parashtesa ose tema fjalëformuese.
HÉJD/Ë,~A f. sh. ~A, ~AT bot. (lat. Polygonum fagopyrum) 1. Hikërr.
2. bot. Pjesë e parë e emërtimeve të pathjeshta për disa lloje hejdash që kanë ngjashmëri midis tyre. Hejda e Kilit (lat. Amaranthus mantegazzianus) bimë njëvjeçare, me lulëzime shumë të gjata, të dendura, zakonisht me ngjyrë të kuqe të errët ose të purpurt, që rritet si bimë dekorative ose për farat e saj të ngrënshme. Hejda gjallëpjellëse (lat. Amaranthus retroflexus) barishte tipike e arave, që përhapet masivisht në tokat e punuara, me lule në tufa të dendura me ngjyrë jeshile, shpesh të forta dhe gjembaçe, me fara të ngrënshme, shumë të imta, të zeza, jashtëzakonisht të qëndrueshme; kërcmalla. Hejda ngjyruese (lat. Polygonum tinctorium) bimë barishtore njëvjeçare, me kërcell të drejtë e të nyjshëm, gjethe heshtake, që lulëzon me tufa të vogla me ngjyrë rozë në fund të verës, që kultivohet për përmbajtjen e indikanit, prej të cilit përftohet një pigment që përdoret në ngjyrosje tradicionale; indigo kineze; lajla japoneze; kërpudhë ngjyrosjeje. Hejda e Siberisë (lat. Polygonum tataricum) bimë njëvjeçare barishtore, me kërcell të drejtë e të degëzuar, me gjethe vezake të zgjatura, që lulëzon me tufa të vogla me ngjyrë jeshile a të bardhë në krem, që njihet si barishte e qëndrueshme dhe konkurruese në kulturat bujqësore, me fara të forta që mbijnë lehtë në kushte të ndryshme; hikërrori tartar, hikërrori i hidhur. Hejda lindore (lat. Polygonum orientale) bimë barishtore njëvjeçare, me kërcell të drejtë e të fortë, me gjethe të mëdha, vezake, që lulëzon me tufa të dendura me ngjyrë rozë a të purpurt, të vendosura në majat e kërcellit, që i japin vlerë dekorative. Hejda e rremë (lat. Polygonum sagittatum) bimë barishtore njëvjeçare, zvarritëse, me kërcell të hollë e ngjitës, me gjethe karakteristike në formë shigjete, që lulëzon me tufa të vogla me ngjyrë rozë a të bardhë të zbehtë, që rritet në vende të lagështa. Hejda ujëse (lat. Polygonum amphibium aquaticum) bimë barishtore shumëvjeçare, me kërcell zvarritës e rrënjëzues, me gjethe ovale, lundruese mbi sipërfaqen e ujit, që lulëzon me koka cilindrike me ngjyrë rozë, të ngritura mbi ujë, që rritet në liqene, pellgje dhe ujëra të qeta, duke formuar sipërfaqe të dendura vegjetative. Hejda e Virxhinies (lat. Polygonum virginianum, Persicaria virginiana) bimë barishtore shumëvjeçare, me kërcell të hollë, me gjethe vezake, me një kalli të gjatë, të rrallë, me lule të vogla me ngjyrë rozë a të bardhë, që njihet për pamjen delikate dhe për kallirin e hollë që qëndron i ngritur mbi gjethe. Hejda e vogël (lat. Polygonum minus, Persicaria minor) bimë barishtore njëvjeçare, me kërcell të hollë e zvarritës, me gjethe të ngushta, heshtake, që lulëzon me tufa të vogla me ngjyrë rozë a të bardhë, që rritet në toka të lagështa, që përdoret lokalisht edhe si bimë aromatike në kuzhinë.
HEJDENÍK,~U m. sh. ~Ë, ~ËT krahin. 1. Bujk që merret me kultivimin e hejdave.2. Ai që përdor hejden për ushqim.3. fig. Njeri shumë i varfër dhe i këputur ekonomikisht.
Shfaq përkufizimin e plotë →HEJDENÍK/E,~JA m. sh. ~E, ~ET krahin. 1. Bujkeshë që merret me kultivimin e hejdave.2. Ajo që përdor hejden për ushqim.3. fig. Femër e varfër ekonomikisht.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë