Fjalori
HARRJE

HÁRRJ/E,~AI f. sh. ~E, ~ET 1. zool. (lat. Phlebotomus papatasii) Kandërr shumë e vogël, me krahë të bardhë e të tejdukshëm, që del zakonisht në kohë të vapës dhe fluturon tufa-tufa. Iu ngjitën harrjet. Na hëngrën (na grinë) harrjet. Është si harrje dikush të bezdis e të mërzit vazhdimisht, është shumë i mërzitshëm.
2. Pjesa e parë e emërtimeve të pathjeshta për lloje të ndryshme të kësaj kandrre. zool. Harrje deti insekt tropikal, kandërr e viseve të nxehta që përhap sëmundje. Harrja e buallit (lat. Simulidae) mizë e zezë, me një gojë të veçantë, që mbledh organizma të vegjël dhe lëndë organike nga uji, që ushqehet me gjak dhe mund të jenë shumë agresive,veçanërisht femrat, që konsiderohet dëmtuese si për njerëzit ashtu edhe për gjitarët e tjerë. Harrja e shikave (lat. Cecidomyidae) insekte të vogla shumë të brishta, të njohura si mushkonja të tëmthit, që ushqehen brenda indeve bimore, duke krijuar rritje anormale të bimëve, që karakterizohen nga krahë me qime dhe kanë antena të gjata.
✱Sin.: kandër, insekt, vapje, mushicë, pickatë.
♦ M’u bë harrje (dikush) përb. shih m’u bë ferrë (dikush) përb.

HARRJE

HÁRRJ/E,~AII f. sh. ~E, ~ET 1. Veprimi kur harr; rrallim i bimëve të arave. Harrja e parë (e dytë). Harrja e grurit (e misrit).
2. Shkulja e barishteve të këqija të kopshtit. Harrja e barishteve të kopshtit. Harrja e barërave te këqija.
3. kryes. sh. Rrallishtë, rrallesë, harrë, bitërr. Harrja e pemëve. Bënë harrjen. Mblodhi harrjet. U hedh harrje lopëve.
✱Sin.: harrë, bitërr, tëharrje, krahitje, krasitje, rrallim, shkulje.

Rezultate të tjera nga lematizimi ose nga ngjashmëria me formën përfaqësuese: HARR
HARR

HARR vep., ~A, ~UR kal. 1. bujq. Shkul a heq barërat e këqija nga të mbjellat; pastroj a qëroj të mbjellat nga këto barëra. Harr misrin (fasulen). Harr barërat (gramin). Harr të lashtat (grurin). Harr arën (kopshtin).
2. Krasit hardhinë a pemët. Harr rrushin (hardhinë, pemët).
3. fig. Heq pjesët e tepërta a të dobëta të një shkrimi ose të një vepre letrare, shkencore etj.; e pastroj, e kreh. Harr tregimin (dramën, romanin). Harr një studim.
4. fig. I marr shumë para etj. dikujt në mënyrë të stërholluar etj.; e mashtroj. Habi e madhe, si e harri të gjorin!
✱Sin.: tëharr, krasit, kreh, pastroj, mashtroj.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë