Fjalori
HARBUAR

HARBÚAR (i, e) mb., bised. 1. keq. Që është harbuar dhe bredh pa fre poshtë e lart; bredharak. Njeri i harbuar.
2. Që është harlisur. Bimë e harbuar. Duhan i harbuar.
3. fig., keq. Që është i papërmbajtur dhe si i tërbuar; i tërbuar. Kalë (mëz, ka) i harbuar. Pelë (mushkë) e harbuar. Det (lumë) i harbuar.
4. fig., keq. Që është bërë i papërmbajtur, që s'u vë fre ndjenjave, dëshirave e epsheve; i shthurur e i dhënë pas qejfeve. Njeri (djalë) i harbuar. Grua e harbuar.
✱Sin.: bredharak, i lëvizshëm, i harlisur, i azdisur, i tërbuar, i egërsuar, i shfrenuar, i hardallosur, i papërmbajtur, i shthurur, i kërthndezur, i hedhur, bishtpërdredhur.

Rezultate të tjera nga lematizimi ose nga ngjashmëria me formën përfaqësuese: HARBOJ
HARBOJ

HARB/ÓJ jovep., ~ÓVA, ~ÚAR bised. 1. jokal. keq. Bredh pa fre, lart e poshtë. Harbon shumë (kot më kot, andej e këtej). Harboi nëpër botë. Harboi tërë natën.
2. jokal. Vrapoj, eci me vrap; nxitoj; iki nga një vend në një tjetër; largohem. Harboi kali. Harboi nëpër fushë.
3. jokal. Kërcej, hidhem e lodroj, duke bërë rrëmujë e zhurmë. Harbojnë qengjat. Harbojnë nëpër livadh.
4. jokal., kryes. v. III Rritet shpejt dhe tej mase, harliset (zakon. për qenie të gjalla). Harboi lisi (hardhia). Harboi (pambuku, misri). Harbuan kumbullat (pjeshkët).
5. fig., keq., jokal., vet. v. III Bën si i shfrenuar a i tërbuar; tërbohet tej mase. Harboi kali (mushka). Harboi era (shiu). Harboi pas pelave.
6. fig., keq. Tërboj tej mase, s'u vë fre ndjenjave, dëshirave dhe epsheve, shthurem dhe jepem pas qejfeve; azdis. Kërcenin e harbonin. Harbonte me vajza.
7. fig., keq., kal. E bëj të harbohet; e tërbon. E harboi pija (rakia, vera).
8. kal. E rrit tej mase; e harlis. E harboi grurin plehu. E harboi shiu barin.
9. fig,. kal. Prish, çart, largoj. Ia harboi gjumin fare. Ia harboi gazin (gëzimin).
✱Sin.: bredh, vrapoj, harlis, azdis, shfrenoj, tërboj, shpërthej, shfrej, largoj.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë