Fjalë që fillojnë me...
Fjalë me të njëjtat parashtesa ose tema fjalëformuese.
GRÓP/Ë,~A f. sh. ~A, ~AT 1. E thelluar në tokë a në sipërfaqen e diçkaje; vrimë e madhe. Gropë e thellë (e cekët). Gropa e gëlqeres. Rrugë me gropa. Ra në gropë. Vend gropë. Faqe gropë.
2. gjeogr. Gropësirë. Fshati ndodhet në një gropë mes kodrave.
3. bised., edhe fig. Varr. Ia bëri gropën ia bëri varrin. Kush i bën gropën tjetrit, bie vetë brenda. (fj. u.).
4. Zgavër. Gropa e syrit. Gropë ajrore (av.) zonë ku ajri ka temperaturë tjetër në krahasim me atë të mjedisit përreth. Gropa e bilardos. Gropë thithëse. Gropa e zezë (e nevojtores).
✱Sin.: gropim, gropore, gropere, hep, kapt, kaptë, kapth, qore, trap, gllofkë, gomën, gorgë, gorrë, zgorkë, vrimë, hallkomë, humbellë, humbë, e thelluar, e hyrë, rroshponjë, skërkë, shtrojerë, matorik, pus, grofolok, pellg, varr, zgavër.
♦ Ia bëri (i hapi) gropën (dikujt) shih ia bëri (i hapi) varrin (dikujt). Të bëfsha (të hapsha) gropën! mallk. vdeksh!; të bëfsha varrin! mallk.; të ngrënça grurin! mallk.; të këndoftë prifti trisainë mallk. tall. M’u bë barku gropë. 1. Kam uri të madhe; kam shumë kohë pa ngrënë, jam bosh në stomak; m’u bë barku petë. 2. shih m’u bë zemra gropë. E bëri gropën me *dorën e vet (dikush). E bën gjoksin gropë (dikush) tall. mburret shumë; i bie gjoksit; rreh gjoksin; rreh kraharorin; vret veten me gishtin e madh; shet mend. M’u bë zemra gropë u hidhërova shumë, u dëshpërova thellë (nga një fatkeqësi etj.); m’u bë barku gropë. Ra në gropë (dikush) e pësoi keq; e gjeti një fatkeqësi. Gjeti gropën e gurit (dikush) u mëkëmb shpejt e papritur nga ana ekonomike, ra në kamje të madhe; gjeti hazinenë. (Është) në *buzë të gropës (të varrit) (dikush). Kur të shohë gropën e qafës (dikush) iron. kurrë, asnjëherë; kur të shohë qafën (zverkun) pa pasqyrë iron. E shtiu (e vuri) në gropë (dikë) shih e shtiu (e vuri) në varr (dikë). Më zë plumbi gropave gjithmonë më vete ters, nuk kam fat, nuk më del asgjë mbarë, dështoj vazhdimisht; jam fatkeq; kam qimen e ujkut; kam qimen e derrit; kam lëkurën e ujkut; kund. më doli (më erdhi) lepuri në shteg.
GRÓPËZ,~A f. sh. ~A, ~AT 1. Gropë e vogël. Gropëzat e faqeve. Gropëza e mjekrës. Gropëzat e lisë. Gropëz me ujë.2. Gropëqiqër.✱Sin.: gropëzim, gropere, burmë, qukë, qukël, qukëlinë…
Shfaq përkufizimin e plotë →GRÓPAS ndajf. Lojë fëmijësh në të cilën përpiqen të fusin gurë në disa gropa. Luaj gropas.
Shfaq përkufizimin e plotë →GRÓPAZI ndajf. Gropas.
Shfaq përkufizimin e plotë →GROPÉR/E,~JA f. sh. ~E, ~ET Gropë e vogël në tokë; pellgore.✱Sin.: gropë, pellg.
Shfaq përkufizimin e plotë →GROPÍM,~I m. sh. ~E, ~ET 1. Veprimi kur bëjmë gropë; groposje. Bëj gropimin. Gropimi i kafshëve të ngordhura.2. Vend i bërë gropë, gropë.✱Sin.: gropë, groposje.
Shfaq përkufizimin e plotë →GROP/ÓJ vep., ~ÓVA, ~ÚAR 1. kal. E bëj gropë një vend, duke e gërmuar me diçka; e thelloj diçka dhe i jap formën e një grope. - Gropoje edhe pak!2. jokal. Gërmoj me diçka për të ha…
Shfaq përkufizimin e plotë →GROPÓR,~E mb. Që është si gropë, që ka gropa, me gropa. Vend gropor. Tokë gropore.
Shfaq përkufizimin e plotë →GROPÓR/E,~JA f. sh. ~E, ~ET 1. Vend gropë, vend si gropë; gropësirë; vend me gropa.2. gjeogr. Vend jo shumë i gjerë, me një nivel më të ulët se tokat përreth; fushë jo shumë e gjer…
Shfaq përkufizimin e plotë →GROPÓS vep., ~A, ~UR kal. 1. Hedh diçka në gropë dhe e mbuloj me dhe; fut diçka nën tokë: Groposi qenin e ngordhur.2. edhe fig., bised. Pushoj së menduari, heq mendjen, e lë në har…
Shfaq përkufizimin e plotë →GRÓPTË (i, e) mb. Që është gropë; gropa-gropa.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë