Fjalë që fillojnë me...
Fjalë me të njëjtat parashtesa ose tema fjalëformuese.
GJÍTHË pacak. 1. Që është në tërësinë e tij, pa i hequr a pa i përjashtuar asnjë pjesë, pa lënë jashtë asgjë; që i përfshin së bashku tërë sendet, qeniet a dukuritë e njëjta, të cilat përbëjnë një sasi a shumicë; tërë. Gjithë bota. Gjithë njerëzit. Gjithë kafshët. Gjithë vitin. Gjithë jetën. Si gjithë të tjerët njësoj si të tjerët, pa ndonjë ndryshim nga të tjerët. Gjithë puna kryesorja. Gjithë puna është se ai kishte të drejtë. Gjithë sy e veshë shumë i vëmendshëm. Ishte gjithë sy e veshë. Me gjithë mend seriozisht.
2. Përdoret me parafjalët “me” dhe “në” për të treguar shkallën më të lartë të shfaqjes së një ndjenje a të një dukurie (zakonisht të shprehura me emra abstraktë). Me gjithë zemër. Me gjithë mend pa shaka, përnjëmend, seriozisht. Në gjithë gjatësinë e rrugës. Me gjithë kujdesin e duhur. Me gjithë forcën.
3. Përdoret përpara një përemri dëftor për të treguar shkallën më të lartë të një tipari; tërë. Gjithë ai njeri. Gjithë ai gëzim. Gjithë ato të mira.
4. Të gjithë; të gjitha; gjithçka. Gjithë ç'ishin. Gjithë sa erdhën. Gjithë sa ndodhi.
5. Krejt, plot; tërë: Gjithë lule e pemë. Gjithë baltë. Gjithë gaz.
6. Çdo. Për gjithë ditë. Për gjithë vend. Në gjithë vend.
✱Sin.: i gjithë, mbarë, tërë, tërësej, gjithçka, krejt, plot, çdo.
♦ Pas gjithë *gjasave. Gjithë e gjithë gjithsej; krejt çka u tha a u bë. Gjithë (tërë) *hundë (hundë e buzë) (dikush). E hëngri me gjithë *pupla (dikë) bised. Me gjithë *qejf. Me gjithë *zemër (shpirt). (E përlau) me gjithë *opinga (dikë).
GJÍTHË (i, e) pacak. 1. Që merret i plotë e i pandarë, që është në tërësinë e tij pa i hequr e pa i përjashtuar asnjë pjesë, pa lënë jashtë asnjë; që i përfshin së bashku tërë sendet, qeniet a dukuritë e njëjta, të cilat përbëjnë një sasi a shumicë; i tërë. E gjithë zona. I gjithë populli. Të gjithë fëmijët. Të gjitha idetë. Me të gjitha notat dhjeta. Nga të gjitha drejtimet. Me të gjitha mënyrat.
✱Sin.: i tërë, gjithë, krejt, mbarë.
♦ Lakoj në të gjitha *rasat (diçka)
2. si em. sipas kuptimit të përemrit. U prish i gjithi. U ngrit i gjithi në këmbë. Kjo është e gjitha nuk ka më tjetër; kaq ka ose kaq ka mbetur. I rrëfeu të gjitha.
GJÍTHË (të) m. ~GJITHA (të) f. vet. sh. Sendet, qeniet ose dukuritë e përmendura të marra së bashku pa asnjë përjashtim. Erdhën të gjithë. Të gjithë janë të gatshëm. Pak nga të gjitha. I aftë për të gjitha. Mbaroi me të gjitha humbi gjithçka, nuk i mbeti asgjë; mori fund, mbaroi me të tëra. I zbrazi të gjitha. Dielli lind për të gjithë (fj. u.). Ka për të gjithë. Mbi të gjitha në radhë të parë. Para së gjithash në mënyrë të veçantë; veçanërisht. Para së gjithash në radhë të parë; para çdo gjëje tjetër.
GJITHË fjalëform. Pjesë e parë e fjalëve të përbëra që tregojnë se tipari i shënuar nga pjesa e dytë shfaqet plotësisht, përfshin plotësisht një tërësi të caktuar ose tërë sendet, qeniet a dukuritë e njëjta që përbëjnë një shumicë, p. sh. i gjithanshëm, gjithëgjuhësor, gjithëkombëtar, gjithëshqiptar, i gjithëfuqishëm, i gjithëllojshëm etj.
GJITHËDÍJ/E,~A f. Dije për gjithçka; dije e pakufishme. Përfaqëson gjithëdijen. Muzë e gjithëdijes.
Shfaq përkufizimin e plotë →GJITHËDÍJËS,~E mb. Që ka dije për gjithçka; që ka dije të pakufishme; i gjithëditur. Personazh gjithëdijës.
Shfaq përkufizimin e plotë →GJITHËDÍJËS,~I m. sh. ~, ~IT Ai që ka dije për gjithçka; ai që ka dije të pakufishme; i gjithëditur. Gjithëdijësi na habiti me njohuritë e tij.
Shfaq përkufizimin e plotë →GJITHËDITÓR,~E mb. Që zgjat gjithë ditën. Mësim gjithëditor. Program i ngjeshur, gjithëditor.
Shfaq përkufizimin e plotë →GJITHËDÍTUR (i, e) mb. Që di gjithçka; që ka dije të pakufishme. Djalë i gjithëditur. Rrëfenjat e zonjushës së gjithëditur. Mos bëj si i gjithëditur!
Shfaq përkufizimin e plotë →GJITHËFUQÍ,~A f. sh. ~, ~TË Pushtet i pakufishëm mbi të gjithë a mbi gjithçka. Zotëronte gjithëfuqinë mbi natyrën dhe njerëzit.
Shfaq përkufizimin e plotë →GJITHËHÉRË ndajf. Gjithmonë; pa ndërprerje. Gjithëherë na kërkon e gjithkund na ndjek.
Shfaq përkufizimin e plotë →GJITHËRÚS,~E mb. Që ka të bëjë me të gjithë rusët; i gjithë rusëve.
Shfaq përkufizimin e plotë →GJITHËSÍ,~A f. 1. Tërësia e gjithë trupave qiellorë dhe e trajtave të tjera të materies, që zgjerohet në hapësirë e në kohë dhe përbën një sistem të ndërtuar sipas ligjeve të astro…
Shfaq përkufizimin e plotë →GJITHËSÓR,~E mb. I gjithësishëm. Funksioni i veprave të tij është universal dhe gjithësor.✱Sin.: i tërësishëm, i përgjithshëm, universal, botëror.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë