Fjalë që fillojnë me...
Fjalë me të njëjtat parashtesa ose tema fjalëformuese.
GJÉRË (i, e) mb. 1. Që ka shtrirje të madhe në hapësirë në gjerësi; që ka gjerësi më të madhe nga sa duhet, nga sa është e zakonshme ose në krahasim me një tjetër; që zë një hapësirë të madhe; kund. i ngushtë. Rrugë e gjerë. Kanal i gjerë. Shpatulla të gjera. Dy metra i gjerë. Me ekran të gjerë. Bëhet më i gjerë zgjerohet.
2. Që zë një hapësirë të madhe; shtrirë nga të gjitha anët; i hapët; që nxë shumë (njerëz, sende) Fushë (luginë) e gjerë. Vend i gjerë.
3. Që rri i lirë në trup, që është më i bollshëm nga sa duhet, që nuk rri i puthitur e nuk të shtrëngon; i lirshëm; kund. i ngushtë. Pantallona të gjera. Mëngë të gjera. Këpucë të gjera. Më rrinë të gjera.
4. Që është larg nga një tjetër, që ka largësi të madhe. Rreshta të gjerë.
5. Që përfshin një numër të madh njerëzish, pjesëmarrësish ose anëtarësh; që përhapet në shumë njerëz a që përfaqëson shumë njerëz; që është për përdorim të madh; masiv; kund. i ngushtë. Mbledhje e gjerë. Pjesëmarrje e gjerë. Mallra (artikuj) të përdorimit të gjerë. Shtresat e gjera të popullit.
6. fig. Që ka përhapje a shtrirje të madhe; që rrok shumë gjëra a shumë anë; që ka përmasa të mëdha. Veprimtari e gjerë. Shtrirje e gjerë. Lëvizje e gjerë. Pasqyrim i gjerë. Në shkallë të gjerë. Në mënyrë të gjerë gjerësisht. Në kuptimin e gjerë të fjalës në kuptimin më të përgjithshëm të fjalës.
7. I gjithanshëm; që lidhet me një fushë të madhe dijesh, njohurish a veprimtarie; që shquhet për vëllim të madh dijesh e njohurish në shumë fusha të jetës; kund. i ngushtë, i kufizuar. Me horizont të gjerë. Me njohuri të gjera.
8. fig. I durueshëm e me shpirt të madh; zemërgjerë; kund. i ngushtë. Njeri i gjerë. Me zemër të gjerë.
9. mat. Më i madh se këndi i drejtë, por më i vogël se këndi i shtrirë. Kënd i gjerë.
10. gjuh. Që shqiptohet duke hapur gojën sa më shumë që të jetë e mundshme dhe që është e zëshme në shkallën më të lartë (për një zanore). Zanore e gjerë.
✱Sin.: i madh, i lirë, i gjithanshëm, i shumanshëm, i bollshëm, zemërbardhë, zemërgjerë, zemërmadh, zemërmirë.
♦ Në *ballë (në front) të gjerë. Me *bark të gjerë. Hyri në *rrugë (në udhë) të gjerë (dikush a diçka). E ka barkun të gjerë (dikush). 1. Duron shumë e i fal të tjerët edhe për gabime të rënda, për fyerje etj.; është njeri i gjerë, barkgjerë, zemërgjerë; e ka zemrën (shpirtin) të gjerë; e ka barkun hambar2; e ka zemrën hambar. 2. Është derëhapur, mikpritës, bujar e zemërgjerë; e ka zemrën (shpirtin) të gjerë; e ka gjoksin të gjerë. E ka gjoksin të gjerë (dikush). 1. shih e ka zemrën (shpirtin) të gjerë (dikush). 2. Është i fortë e i qëndrueshëm dhe mund të përballojë vështirësi e mundime; i ka shpatullat të gjera1. I ka shpatullat të gjera (dikush). 1. Është i fortë fizikisht, përballon punë të rënda; e ka gjoksin të gjerë2.2. Është i mbrojtur nga sulmet e të tjerëve, dikush e mbron dhe e përkrah; i ka shpatullat të ngrohta. E ka zemrën (shpirtin) të gjerë (dikush) duron shumë e i fal të tjerët edhe për gabime të rënda, për fyerje etj.; është njeri i gjerë, barkgjerë, zemërgjerë, shpirtmadh; e ka barkun të gjerë1; e ka gjoksin të gjerë; e ka zemrën det; e ka zemrën hambar; kund. e ka zemrën (shpirtin) të ngushtë. Në *stil të gjerë. Në *shkallë të gjerë. Me *zemër (me shpirt) të gjerë.
GJÉRË ndajf. 1. Me gjerësi të madhe, shumë lirshëm në trup ose në një pjesë të trupit; kund. ngushtë. I rrinë gjerë veshjet.
2. Me hapësirë të mjaftueshme për të banuar, për të punuar etj.; jo ngjeshur njëri pranë tjetrit, lirë, lirshëm; kund. ngushtë. Është gjerë me shtëpi.
3. fig. Në mënyrë të shtjelluar, duke e trajtuar nga të gjitha anët a drejtimet, pa u kufizuar, hollësisht. Foli gjerë. Ka shkruar gjerë.
4. fig. Në mënyrë të gjerë, pa u kapur pas çikërrimave e të metave të vogla, duke i peshuar të gjitha anët e rrethanat; kund. ngushtë. E gjykoi gjerë çështjen.
5. fig. Në një masë të madhe njerëzish, në mënyrë të gjerë; kudo; gjerësisht. Përdoret gjerë. Ka hyrë gjerë.
✱Sin.: çlirët, lirshëm, lirisht, bollshëm, imtësisht, gjithkund, ngado, kudo, gjerësisht.
♦ *Gjatë e gjerë. Sa *gjatë e gjerë. Gjerë e gjatë. 1. Në të gjithë gjerësinë e gjatësinë e vet (për diçka). 2. Me të gjitha hollësirat, pa lënë gjë pa përmendur, duke e shtjelluar a duke e trajtuar diçka nga të gjitha anët; gjatë e gjerë; fill e për pe; degë më degë. Sa gjerë e gjatë shih sa gjatë e gjerë.
GJER,~I m. sh. ~A, ~AT zool. (lat. Myoxus glis) Brejtës i vogël pylli, me qime të dendura e të përhime, me bisht të gjatë si furçë, që e kalon dimrin në gjumë. Strofka e gjerit. Lë…
Shfaq përkufizimin e plotë →GJER parafj. Deri. Gjer kur. Gjer afër shtëpisë. Gjer nesër. Gjer në mbrëmje
Shfaq përkufizimin e plotë →GJER pj. Deri. Gjer në dhjetë vjeç. Gjer edhe fëmijë e marrin vesh.
Shfaq përkufizimin e plotë →GJERÁK,~U m. sh. ~Ë, ~ËT zool. Mashkulli i gjeraqinës; petrit. Po ziheni sikur keni ngrënë mish gjeraku.✱Sin.: petrit, skifter, sokol, fajkua.
Shfaq përkufizimin e plotë →GJERÁN,~II m. sh. ~Ë, ~ËT bot. (lat. Geranium molle) Bimë zbukuruese me gjethe të rrumbullakëta si të mëllagës e me erë të mirë, me lule tufa-tufa në ngjyra të ndryshme, që mbillet…
Shfaq përkufizimin e plotë →GJERÁN,~III m. bujq. Ndryshk i bimëve; vrug.
Shfaq përkufizimin e plotë →GJERÁQ,~I m. sh. ~Ë, ~ËT zool. (lat. Grus grus) Shpend i madh ujës, me këmbë dhe qafë të gjatë, që jeton në zona të lagështa dhe ushqehet me bimë, fara, fruta, si dhe me kandrra e …
Shfaq përkufizimin e plotë →GJÉRAS ndajf. Së gjeri, për së gjeri; nga e gjera; gjerazi. Vendos gjeras. Mat gjeras.
Shfaq përkufizimin e plotë →GJERB vep., ~A, ~UR kal. Pi duke thithur nga pak, surb; surboj; ha nga pak një ushqim të lëngshëm. Gjerb çaj. Gjerb qumësht. Gjerb kafen.✱Sin.: surb, surboj, gjerboj, rruf, rrufit,…
Shfaq përkufizimin e plotë →GJÉRI (së) ndajf. Në shtrirje tërthore; në gjerësi, si gjerësi. Shtrihet për së gjeri. Dy metra për së gjeri.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë