Fjalori
GABUAR

GABÚAR (i, e) mb. 1. Që nuk është i përpiktë e i saktë, që nuk bëhet sipas rregullave e kërkesave të caktuara; i pasaktë. Llogari e gabuar. Zgjidhje e gabuar. Përfundim i gabuar. Pasim i gabuar. Lëvizje e gabuar.
2. Që është i shtrembër, që është në kundërshtim me të vërtetën; që nuk përputhet me normat a me rregullat morale të vendosura nga shoqëria. Veprim (qëndrim, mendim) i gabuar. Sjellje e gabuar. Hap i gabuar. Ka marrë rrugë të gabuar. Arsyeja është e gabuar.
3. Që ka bërë një gabim, zakonisht nga që është mashtruar nga dikush ose nga diçka; që nuk e ka parë mirë diçka dhe ka nxjerrë përfundime jo të drejta; i gënjyer. Njeri i gabuar. Doli i gabuar. 4. si em., zakon. m. Ai që është në gabim. Duhen sqaruar të gabuarit.
✱Sin.: i gabueshëm, i shtrembër, i padrejtë, i mashtruar, i pavërtetë.

Rezultate të tjera nga lematizimi ose nga ngjashmëria me formën përfaqësuese: GABOJ
GABOJ

GAB/ÓJ vep., ~ÓVA, ~ÚAR 1. jokal. Bëj një gabim në të folur a në të shkruar, në lexim, në numërim, në llogaritje etj. nga mosnjohja e rregullave ose nga pakujdesia; bëj diçka në mënyrë jo të përpiktë. Gabon në numërim (në shqiptim, në të shkruar). Gaboi në llogari.
2. jokal. Bëj një veprim të shtrembër në jetë a në punë, sillem në një mënyrë që nuk përputhet me normat a me rregullat morale të vendosura nga shoqëria; kam një ide, mendim a pikëpamje jo të drejtë; bie në gabim, gabohem. Gabon rëndë. Gaboi në punë.
3. kal. Ngatërroj diçka nga mosnjohja, nga padija a nga pakujdesia, e marr tjetër për tjetër; ngatërroj (edhe fig.). Gaboi rrugën. Gaboi derën. Gaboi adresën (drejtimin).
4. kal. Bëj që dikush të bjerë në gabim duke e mashtruar, e bëj të gabohet, e shtie në gabim; mashtroj; gënjej. I gaboi fëmijët. Syri të gabon. Pamja e jashtme (veshja) të gabon.
✱Sin.: lajthis, shkas, rrëshqas, shqepoj, teproj.
♦ Gabon (ngatërron) *adresë (dikush) iron. Më gabojnë (më gënjejnë) *sytë.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë