Fjalori
FLESH

FLESH,~I m. sh. ~E, ~ET 1. Shkëndijë drite e çastit që shkreptin në aparatin fotografik, në telefonin celular etj. Ndenjën drejt kur u shkrep fleshi i aparatit.
2. Blic. Montoi fleshin në aparatin fotografik.
3. Lajm i shkurtër e i shpejtë për ngjarje në zhvillim e sipër. Dëgjoj fleshin e mëngjesit.
4. kompj. Pajisje elektronike e vogël ku hidhen të dhëna për t’u transferuar në pajisje të tjera elektronike për t’u përdorur sa më shpejt dhe sa më lehtë. Mori fotografitë dhe videot me një flesh.

Rezultate të tjera nga lematizimi ose nga ngjashmëria me formën përfaqësuese: FLE
FLE

FLE vep., FJÉTA, FJÉTUR 1. jokal. Jam në gjumë, bëj gjumë; më zë gjumi, bie në gjumë; kaloj natën diku. Fle shumë (pak). Fle qetë (mirë). Fle vonë (herët). Fle rëndë bën (ka) gjumë të rëndë. Fle në shtëpi (në hotel). Fle në shtrat (në minder).
2. kal. E shpie a e lë që të kalojë natën diku. E fjeti bagëtinë jashtë (në mal).
3. bised. Bëj marrëdhënie seksuale me dikë. Kishin fjetur bashkë kur ishin në plazh.
4. euf. Bie në gjumë të përjetshëm; prehet (për të vdekurin). Fjeti përgjithmonë.
5. jokal., v. III Rri në një vend pa lëvizur, është në qetësi. Fle uji. Fle bora.
6. fig. Rri si në gjumë, më zë gjumi, më zë plogështia, nuk bëhem si i gjallë, rri pa vepruar, nuk shqetësohem më për diçka; nuk rri në rojë, nuk i mbaj sytë e veshët hapur, s'jam syçelur. Nuk fle zemra. Uji fle, hasmi s'fle (fj. u.).
✱Sin.: buj, dremit.
♦ Në atë *anë fli! iron. Në atë *brinjë fli! iron. Në atë *krah fli! iron. Fle mbi *dafina (dikush) libr. Fle me *gretha (dikush). Fle *gjumë (dikush). Më fle *kandari (te dikush a te diçka). Fle në *këmbë (dikush). (Ku) fle *lepuri. Fjeç *të madhin! mallk. Fle *të madhin (dikush) euf. mospërf. E fjeti *mendjen (dikush). Më fle *mendja (te dikush a te diçka). Fjettë *të mirën! (dikush) Fli *rehat! mallk. euf. Fjeta rrasët fjeta rehat. Ka fjetur me *ujkun (dikush). Ka fjetur *zbuluar (dikush) iron. Më ka fjetur në *zemër (në shpirt) (dikush). Fle (prehem, më zë gjumi) mbi dafina bie në qetësi e rri shkujdesur pas një suksesi, fitoreje etj.; jam i vetëkënaqur. Fle gjumin e vdekjes (gjumin e madh, të madhin). Fle me një sy (hapur) rri në rojë; jam syçelët. Fle me sy hapur kam gjumë të lehtë. I fle në zemër dikujt i pëlqen shumë. Kush fle me qen, ngrihet me pleshta (fj. u.) kush shoqërohet me njerëz të këqij, merr veset e tyre. Nuk fle (kullot) delja me ujkun bashkë (fj. u.) Macja që fle nuk zë dot minj.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë