Fjalori
FIZIKË

FIZÍK/Ë,~A f. 1. Shkenca që studion vetitë më të përgjithshme të materies si edhe ligjet e format themelore të lëvizjes e të ndryshimit të saj. Fizika e përgjithshme (teorike, e zbatuar, eksperimentale). Fizika bërthamore (atomike). Terma të fizikës. Fizikë e grimcave. Fizikë e metaleve. Fizikë elektronike. Fizikë kuantike. Fizikë optike. Fizikë molekulare. Fizikë matematike.
2. Lëndë mësimore që jep njohuritë e nevojshme të kësaj shkence në shkollë; teksti që përmban këto njohuri. Mësuesi (profesori) i fizikës. Fizika për shkollën e mesme. Mori dhjetë në fizikë.
3. Natyra fizike e diçkaje (e një sendi a dukurie). Fizika e formimit të breshrit.

Rezultate të tjera nga lematizimi ose nga ngjashmëria me formën përfaqësuese: FIZIK
FIZIK

FIZÍK,~E mb. 1. Që ka të bëjë me trupat, me lëndën dhe me natyrën, që janë në të vërtetë dhe kapen me anë të shqisave. Forcë fizike. Gjendja fizike. Dukuri fizike. Cilësi fizike.
2. Që ka të bëjë me shkencën e fizikës. Ligje fizike. Teori fizike.
3. Që ka të bëjë me trupin e njeriut ose me forcën trupore të njeriut a të kafshës; trupor. Bukuri fizike. Edukim fizik. Forcë (qëndresë) fizike.
4. Që ka të bëjë me tiparet natyrore të botës, që studion a që paraqet sipërfaqen e Tokës, botën bimore e shtazore të saj dhe klimën. Gjeografi fizike. Hartë fizike.
✱Sin.: lëndor, trupor.

FIZIK

FIZÍK,~U m. sh. ~Ë, ~ËT Trup i njeriut; forcë trupore. Fiziku i tij (i saj) binte në sy.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë