Fjalori
FITUAR

FITÚAR (i, e) mb. 1. Që është arritur me përpjekje e me këmbëngulje; që ka përfunduar me fitore; kund. i humbur. Ndeshje (betejë) e fituar. Gjyq i fituar.
2. Që ka dalë me fitim, që nuk ka pasur dëm; kund. i humbur. Doli i fituar.
3. Që është arritur me kohë e me punë gjatë përvojës jetësore, që nuk është i lindur. Shprehi të fituara. Reflekse të fituara. fiziol. reflekse të kushtëzuara.
4. Që është shfrytëzuar mirë dhe me dobi, që nuk ka shkuar kot; kund. i humbur. Nuk i shkoi kot koha e fituar.
✱Sin.: i mësuar, i kushtëzuar.

FITUAR

FITÚAR,~I (i) m. sh. ~ (të), ~IT (të) Ai që ka dalë me fitim, ai që nuk ka pasur dëm; kund. i humbur. I fituari nuk gjykohet!

FITUAR

FITÚAR,~A (e) f. sh. ~A (të), ~AT (të) Ajo që ka dalë me fitim, ajo që nuk ka pasur dëm; kund. e humbur. Të fituarat ishin ato që punuan më shumë.

Rezultate të tjera nga lematizimi ose nga ngjashmëria me formën përfaqësuese: FITOJ
FITOJ

FIT/ÓJ vep., ~ÓVA, ~ÚAR kal. 1. Nxjerr të ardhura nga një punë që kryej; siguroj fitime. Fitonte para. Fitonin bukën e gojës. Fitonte shumë.
2. Kam përfitim, nxjerr fryte, përfitoj. Fitoi shumë nga ajo punë.
3. kal. dhe jokal. Arrij a siguroj diçka, duke luftuar ose duke punuar me këmbëngulje e me përpjekje të mëdha; dal fitimtar, arrij fitore; kund. humb. Fitoj ndeshjen (kampionatin). Fitoj me të madhe. Fitoj me lehtësi. Fitoj me shumicë votash.
4. Përvetësoj diçka që më duhet ose që e dëshiroj; i siguroj vetes diçka të mirë e të vlefshme; kund. humb, humbas. Fitoj një profesion (një zanat). Fitoj njohuri (dije, shprehi, përvojë). Fitoj kohë.
5. Bëj që të tjerët të më vlerësojnë e të më trajtojnë në një mënyrë të caktuar; siguroj. Fitoi famë. Fitoi autoritet të madh. Fitoj dashurinë (nderimin, besimin).
6. E tërheq dikë në anën time, e bëj për vete. Fitoi shumë miq me veprimet e saj.
7. Nxjerr a prodhoj diçka, përftoj. Fitoi një produkt tjetër.
8. bised. Pësoj diçka të keqe e të dëmshme a diçka të papëlqyeshme; marr, ha. Fitoi një të ftohur. E fitoi një të sharë pa pasur nevojë.
✱Sin.: marr, siguroj, nxjerr, përfitoj, qit, përftoj, ngadhënjej, triumfoj, marr, ha.
♦ Fitoj flamurin dal i pari; korr fitore. Fitoi kush fitoi ata që punuan me kohë e me mend dolën të fituar, të tjerët s’patën ndonjë të mirë. Fitoi *pikë (dikush) libr. Fiton *terren (diçka) libr. Fiton *tokë (truall) (diçka). Më fitoi (më rrëmbeu, më grabiti) *zemrën (dikush).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë