Fjalori
EMËRUES

EMËRÚES,~I m. sh. ~, ~IT mat. Numri i poshtëm i një thyese që tregon se në sa pjesë është ndarë një njësi. Emëruesi i thyesës. Kthej në emërues të përbashkët. Krahasimi i thyesave me emërues të ndryshëm.
♦ Gjej një emërues të përbashkët (me dikë) libr. i sheshoj mospajtimet me dikë, i rrafshoj kundërshtitë; i përputh mendimet me të dhe merrem vesh, pranoj të njëjtën gjë a të njëjtën mënyrë veprimi si ai; i vë (i sjell) në një emërues të përbashkët. Ka një emërues të përbashkët (me dikë a me diçka) libr. ngjan me një tjetër a përputhet plotësisht me të, bashkohet në të njëjtën vlerë, tipar, qëllim, veprim etj. I vë (i sjell) në një emërues të përbashkët libr. sheshoj mospajtimet a dallimet ndërmjet dy vetave, dy palëve, dy gjërave etj., rrafshoj kundërshtitë ndërmjet tyre; gjej një bazë të përbashkët për marrëveshje; e bëj diçka të ngjashme me një tjetër nga një pikëpamje; gjej një emërues të përbashkët.

EMËRUES

EMËRÚES,~E mb. 1. Që emëron dikë në një detyrë të caktuar. Kuvendi ka funksion zgjedhës dhe emërues.
2. gjuh. Emërtues.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë