Fjalë që fillojnë me...
Fjalë me të njëjtat parashtesa ose tema fjalëformuese.
DUK m. Vlerë, dobi. Punë me (pa) duk. Ka duk diçka rron a zgjat shumë; nuk mbarohet a nuk prishet shpejt. S’i kanë duk rrobat s’i rrojnë gjatë rrobat, s’i ruan mirë rrobat. S’i ka duk puna s’nxjerr gjë në shesh me punën që bën, s’arrin asnjë përfundim. S’i ka duk fjala (dikujt) s’i shkon, s’i dëgjohet, s’i zë vend fjala. Ku hyri dredhia, s’ka duk pasuria. (fj. u.). Të varfrit si ka duk fjala. (fj. u.).
►DÚK/EM jovep., ~A (u), ~UR vetv. 1. Jam në një vend ku mund të më shohin të tjerët,. Duket mali (fusha, qyteti, fshati). Duken dritat. Dukej mirë (qartë). Duket nga lart. Sa mezi duket. Fshihu se dukesh!
2. Shfaqem përpara syve të dikujt, dal në një vend ku më rrok syri i dikujt a ku vihem re mirë nga dikush, shfaqem; kund. zhdukem. U duk dielli (hëna). U dukën re të zeza. U dukën dy njerëz. U duk atje tej. U duk në horizont. Nuk u duk gjëkundi.
3. bised. Shkoj diku për të parë a për të takuar dikë. Dukej rrallë nga këto anë. - Duku nga shtëpia! - Mos u duk më këtej!
4. Lë një përshtypje a krijoj një ide të caktuar te të tjerët; lë një përshtypje a krijoj një ide tjetër, jo të saktë ose të gabuar, lë përshtypjen sikur jam i tillë, shfaqem si...; shëmbëllej me dikë a me diçka. Duket i ri (plak, i shëndoshë, i sëmurë, i lodhur, i gëzuar, i hidhëruar, i lumtur). Duket si i përdorur. Duket si i vëllai (si e motra). - Si të duket? Kushedi s’i duket vetja vlerëson shumë veten, mbahet me të madh.
5. vet. v. III (zakonisht me një trajtë të shkurtër të përemrit vetor në r. dhanore). Kam një mendim, një ide ose një përshtypje të caktuar për dikë a për diçka; kujtoj se është kështu ose ashtu, më ngjan, më bëhet sikur, pandeh. Më duket i drejtë (i padrejtë). M'u duk shumë i nxehtë (shumë i ftohtë). Më duket se është nisur mund të jetë nisur. Më duket e udhës. S'më duket gjë dikush a diçka s’e vlerësoj fare, s'ma mbush syrin; s'më tërheq, s'më hyn në sy. - Kështu më duket. - Si të të duket më mirë. - Më duket se ka të drejtë.
6. Jam në një gjendje të caktuar trupore a shpirtërore, ndihem; jam; kam këto ose ato përfu-ndime, arritje në punë a në jetë; shkoj. Sot duket më mirë (më keq). - Si dukesh me shëndet? - Si duket sot i sëmuri? - Si duken punët? - Si dukesh me punë?
7. Shfaq veten përpara të tjerëve me të gjitha vetitë e tiparet që kam, zbuloj vetveten, e tregoj kush jam. U duk se kush është. Miku i vërtetë duket në ditë të vështira. (fj. u.). Kapiteni i mirë duket në furtunë.( fj. u.).
8. keq. Përpiqem të dal mbi të tjerët, bëj çmos që të bie në sy a të dallohem për çdo gjë. Kërkon (i pëlqen) të duket. Nuk punon për t'u dukur. Se bëri për t’u dukur. Puno, se duhet punuar, jo për të dukur e lavdëruar. (fj. u.).
9. bised., vet. v. III Dallohet qartë (nga tiparet, nga cilësia, nga shenjat, nga trajta a pamja e jashtme etj.), vihet re, bie në sy menjëherë; është fare e qartë, merret vesh, kuptohet; mund të merret me mend qysh tani përfundimi i një pune; ndihet. Duket puna (dora) e dikujt. Duket ndikimi i dikujt a i diçkaje. U duk kjo punë. Duket sheshit. Duket që është i ri (i vjetër, i përdorur, i mbajtur, i paprekur, i shëndoshë). Duket që është i përgatitur (që ka mësuar). Duket që është vepër e mirë. Duket që e duan shumë njëri-tjetrin. Siç duket... (fj. ndërm.). Me (nga) sa duket... (fj. ndërm.). Kur të jesh në dhe të huaj, dita të duket një muaj. (fj. u.). Stani duket në të pjellë, ara duket në të mbjellë. (fj. u.).
10. bised., vet. v. III Botohet, del në qarkullim, del në dritë. Kohët e fundit janë dukur shumë vepra të reja.
✱Sin.: shihem, diktohem, zbulohem, dallohem, shquhem, përfaqem, vizatohet, buthtohet, mbij, stërditem, tregohem, dëftohem, tregoj, rrëfej, ngjan, tingëllon, shëmbëllej, përngjaj, ngjaj, pandeh, ngjason, bëhet, vjen, vërehet, demonstrohet.
♦ Siç duken (siç tregojnë) *bathët... S’i duket (s’i gjendet) *binaja (dikujt a diçkaje) bised. Nuk i duket (i humbi) *boja (diçkaje). S’më duket *gjë (dikush a diçka). Duket *sheshit (diçka). Kushedi ç’i duket vetja! (dikujt) iron. e vlerëson veten më lart nga ç’është; është dashuruar pas vetes; shet mend (dikush).
DUKÁL,~E mb. Që lidhet me dukën; që i përket dukës, i dukës. Pallati dukal. Kurorë dukale.
Shfaq përkufizimin e plotë →DUKÁT,~I m. sh. ~Ë, ~ËT 1. hist. Monedhë e vjetër prej argjendi dhe me vonë prej ari, që përdorej në disa vende të Evropës Perëndimore. Më i mirë një mik, se njëqind dukatë. (fj. u…
Shfaq përkufizimin e plotë →DÚKE pj. Pjesëz që vihet përpara pjesores për të formuar përcjelloren e foljeve. Shkonte duke kënduar. E holloi duke e fërkuar me limë. Duke pasur parasysh se...
Shfaq përkufizimin e plotë →►DÚK/EM jovep., ~A (u), ~UR vetv. 1. Jam në një vend ku mund të më shohin të tjerët,. Duket mali (fusha, qyteti, fshati). Duken dritat. Dukej mirë (qartë). Duket nga lart. Sa mezi …
Shfaq përkufizimin e plotë →DÚKJ/E,~A f. 1. Shfaqje para syve; dallim a shquarje me sy e dikujt a diçkaje.2. Pamja në të cilën shfaqet dikush a diçka, tërësia e karakteristikave a e tipareve të përgjithshme q…
Shfaq përkufizimin e plotë →DÚKM/E,~JA f. sh. ~E, ~ET 1. Pamje.2. vjet. Dukuri.
Shfaq përkufizimin e plotë →DUK/ÓJI vep., ~ÓVA, ~ÚAR kal. 1. Ngrij (ujin, çimenton etj.); kund. shkrij. E ka dukuar ujin ngrica.2. edhe fig. Ngjit fort diçka, sa të mos shqitet e të mos hiqet më; kund. shqit.…
Shfaq përkufizimin e plotë →DUK/ÓJII vep., ~ÓVA, ~ÚAR kal. Zbraz, derdh; heq atë që ka brenda dhe e lë pa gjë; kund. mbush.✱Sin.: zbraz, derdh, çmbush, boshatis, liroj, heq.
Shfaq përkufizimin e plotë →DÚK/Ë,~AI m. sh. ~Ë, ~ËT hist. Titull i lartë aristokratësh, më i ulët se ai i princit; sundimtari i një dukate; ai që mbante këtë titull.
Shfaq përkufizimin e plotë →DÚK/Ë,~AII f. Dukje. Puna e kaut nuk ka dukë, por ka bukë. (fj. u.). Njeriut s’i këqyret duka. (fj. u.). Burri nuk këqyret për dukë, por për punë. (fj. u.).♦ Ka dukë (diçka) del mi…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë