Fjalori
DORËZUAR

DORËZÚAR (i, e) mb. 1. Që është dorëzuar; që është mposhtur e që është thyer. Ushtri e dorëzuar.
2. Që është dhënë fizikisht në dorë të dikujt tjetër. Material i dorëzuar. Letër e dorëzuar. Koleksion i dorëzuar nga familjarët.
3. Që është përfunduar dhe është dhënë a paraqitur për vlerësim (një detyre ose projekt) në kontekstin e punës ose shkollës. Projekt i dorëzuar për diskutim. Detyrë e dorëzuar për vlerësim.
✱Sin.: i mposhtur, i nënshtruar, i përulur, i tërhequr, i stepur.

Rezultate të tjera nga lematizimi ose nga ngjashmëria me formën përfaqësuese: DORËZOJ
DORËZOJ

DORËZ/ÓJ vep., ~ÓVA, ~ÚAR kal. 1. Ia jap dikujt në dorë diçka, ia vë përpara për ta marrë, për ta përdorur etj., ia lë në dorë; kthej atje ku duhet një gjë që s’është imja; jap. Dorëzoi letrat (ftesën, gazetën, dokumentet). Gjeti një kuletë me të holla dhe e dorëzoi tek i zoti. Dorëzoi librin në bibliotekë. Mos e dorëzo dyfekun nga gryka. (fj. u.).
2. Ia jap një tjetri dikë në dorëzim; e lë dikë a diçka nën zotërimin ose në mëshirën e një tjetri; ia lë në dorë a ia besoj dikujt një punë që ta vazhdojë e të përgjigjet për të. Ia dorëzoi fëmijët të vëllait. I dorëzuan të plagosurit në spital. Ia dorëzoi klasën një mësueseje me përvojë. Ia dorëzoi detyrën drejtorit të ri. Ia dorëzuan punën ndërresës së dytë. Nuk i dorëzoi shokët. Nuk ia dorëzoi armikut. E dorëzojnë në magazinë.
3. Përfundoj një punë dhe ia jap dikujt tjetër për ta vijuar, për ta gjykuar, për ta përpunuar etj.; arrij të kryej, bëj, përfundoj një detyrë. Dorëzuan një ndërtesë të re. Dorëzoi një punim (një vepër) për botim. E dorëzuan në kohë (në afat, para kohe).
4. I jap dikujt një diplomë, një vlerësim, një çmim, një medalje etj. I dorëzoi çmimin (certifikatën e mirënjohjes). U dorëzoi diplomat (medaljet, urdhrat).
5. fet. Shuguroj. E dorëzoi prift.
✱Sin.: jap, thyej, mposht, bie, lë, besoj, lëshoj, nënshtroj, përul, tërheq, shkreh, shuguroj.
♦ I dorëzoi (i dha, i hodhi, i lëshoi) armët (dikush). Dorëzoi *çelësat (dikush). Ia dorëzoj (ia lë) *stafetën (dikujt) libr.

Rezultate të ngjashme

DORËZUES

DORËZÚES,~E mb. 1. Që dorëzon diçka, që bën dorëzimin e diçkaje. Pala dorëzuese.2. si em. m. e f. Sipas kuptimit të mbiemrit. Dorëzuesit e drithit. Dorëzuesi i mallit. Dorëzuesit e…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë