Fjalori
DOKËRR

DOK/ËRR,~RRAI f. sh. ~RRA, ~RRAT 1. Kockë e madhe e krahëve a e këmbëve me një pjesë të dalë te kyçet; copë kocke si grusht. Dokrra e dorës (e këmbës). E goditi (i ra) në dokërr. Kishin mbetur ca dokrra në kusi.
2. anat. Fikthi.
3. Diçka e fortë, sa një grusht, e rrumbullakosur ose me nyja. Dokrra rrënjësh. Dokrra buke. Dokrra dheu.
4. Koçan misri a një copë druri e rrumbullakosur me të cilën luajnë doçen; loja e doçes, dokë. I binte dokrrës. Ndiqte dokrrën. Luanin dokërr.
5. vet. sh., bised. Fjalë boshe, fjalë të kota, gjepura, pallavra. Dokrra bajate. Flet (thotë) dokrra. - Ç’janë këto dokrra!? - Lëri dokrrat! Kur dëgjon dokrra, mbyll veshët; kur sheh njerëz lakuriq mbyll, sytë. (fj. u.). Burri me dokrra e mali me fjalë, s’tunden. (fj. u.).
♦ Më dolën sytë dokërr. 1. Më kërcyen sytë përjashta, zgurdullova sytë (nga zori, nga frika, nga habia etj.). 2. U tmerrova jashtë mase. Dokrra në hi fjalë të kota, edhe vetë ai që flet nuk di se ç’thotë, gjepura. Çan dokrra (dërrasa, kopalla) flas kot; them gjepura; merrem me punë boshe.

DOKËRR

DOK/ËRR,~RRAII f. sh. ~RRA, ~RRAT zool. (lat. Formica) Milingonë.

DOKËRR

DOK/ËRR si ndajf. Sjell rrotull; sjell vërdallë dikë; sorollat. E sjell dokërr (dikë).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë