Fjalë që fillojnë me...
Fjalë me të njëjtat parashtesa ose tema fjalëformuese.
DJÁTH/Ë,~I m. sh. ~ËRA, ~ËRAT Bulmet që bëhet duke zënë qumështin me mullëz a me maja dhe duke e kulluar në napë; në sh. llojet e ndryshme të këtij bulmeti. Djathë i bardhë (i butë, i fortë, i njomë). Djathë i shkrirë. Djathë kaçkavall. Djathë i rrahur (i marrë) djathë që bëhet me qumësht, të cilit i është marrë ajka. Djathë i parrahur (i pamarrë) djathë që bëhet me qumësht, të cilit s'i është marrë ajka. Djathë baxhoje djathë që bëhet me qumësht shumë të rrahur e që është vrima-vrima. Djathë peshe djathë i fortë. Djathë nape. Djathë shakulli. Djathë me shtrepa. Djathë me erë. Djathë me kripë (pa kripë). Punishtja e djathit. Llojet e djathërave. Prodhimi i djathit. Copë (thërrime) djathi. Napë djathi. Fuçi (kade, teneqe, qyp) djathi. Bar djathi (bot.). Lule djathi (bot.). Byrek me djathë. Zë (bën) djathë. U prish djathi. Ha bukë me djathë. Hirra nuk bëhet djathë (fj. u.). Kush ha djathë nga të hoxhës, pëlcet për ujë. (fj. u.). Djathë pak e napa shumë. (fj. u.). Sofra pa djathë, si nusja pa vathë. (fj. u.).
♦ Djathë (gjalpë, dhjamë) i mirë në *lëkurë të qenit përçm. I ra shekja e djathit në *fund (dikujt). E hëngri djathin e hoxhës (dikush) iron. vdiq; shkoi me të shumtët; i ktheu potkonjtë nga dielli (nga qielli); shkoi për të bërë vorba (vegsha) iron. E hëngri (e mori) sapunin për djathë (dikush) u gënjye, u mashtrua, e mori një gjë për diçka tjetër; e hëngri shapin për sheqer; e hëngri kilen për okë; e mori arëzën për bletë. Jam *bukë e djathë (me dikë). E kam *bukë e djathë (diçka a dikë). Si *krimbi në djathë. E lë djathin pa *shëllirë (pa hirrë) (dikush). I lirë në djathë e i shtrenjtë në hirrë shih i lirë në miell e i shtrenjtë në krunde. Ta shet sapunin për djathë (dikush) të gënjen, të mashtron; e paraqit diçka jo si është në të vërtetë; diçka fare të lirë ose jo të mirë ta jep si diçka të shtrenjtë ose shumë të mirë; ta shet gjizën për djathë; ta shet hirrën (shëllirën) për qumësht; ta shet ujin për raki; ta shet bakrin për ar; t’i shet goglat për arra; ta shet kilen për okë; të hedh hi syve.
DJATHËBËRËS,~I m. sh. ~, ~IT Djathëpunues, djathar. Kishte vite që ishte djathëbërës në baxho.
Shfaq përkufizimin e plotë →DJATHËBËRËS/E,~JA f. sh. ~E, ~ET Djathëpunuese, djathare. Nëna kishte qenë djathare për ca kohë.
Shfaq përkufizimin e plotë →DJATHËPUNÚES,~I m. sh. ~, ~IT Ai që bën djathë, djathar; djathëbërës. Djathëpunues i zoti.
Shfaq përkufizimin e plotë →DJATHËPUNÚES/E,~JA f. sh. ~E, ~ET Ajo që bën djathë, djathare; djathëbërëse.
Shfaq përkufizimin e plotë →DJATHËRÍ,~A f. Prodhimi a tregtimi i djathit Merrej me djathëri.
Shfaq përkufizimin e plotë →DJATHËSHÍTËS,~I m. sh. ~, ~IT Ai që shet djathë. Djathëshitës në treg.
Shfaq përkufizimin e plotë →DJATHËSHÍTËS/E,~JA f. sh. ~E, ~ET Ajo që shet djathë. Punonte si djathëshitëse në një dyqan bulmeti.
Shfaq përkufizimin e plotë →DJATHËZËNËS,~I m. sh. ~, ~IT Ai që zë djathin në stan a në baxho; djathar, djathëpunues; baxhoxhi.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë