Fjalë që fillojnë me...
Fjalë me të njëjtat parashtesa ose tema fjalëformuese.
DÍM/ËR,~RI m. sh. ~RA, ~RAT 1. Stina e katërt dhe më e ftohtë e vitit, që vjen pas vjeshtës (në gjysmërruzullin verior fillon me 22 dhjetor e mbaron me 21 mars); kund. verë; behar. Dimër i ftohtë (i butë, i egër, i ashpër). Dimër i gjatë. Dimër me dëborë. Këtë dimër. Tërë dimrin. Në dimër. Në mes të dimrit. Para (pas) dimrit. Stina e dimrit. Shirat (të ftohtët) e dimrit. Acari (thëllimi) i dimrit. Pushimet e dimrit për nxënësit a për studentët). Rrobat e dimrit. Netët e dimrit. Lule dimri (bot.). Zog dimri (zog bore) (zool.). Hyri (doli, filloi, mbaroi) dimri. E hodhën (e kaluan, e kapërcyen) dimrin. Mbledh (ruaj) për dimër. Dimri ha beharin. (fj. u.). Dielli i dimrit gënjen vetëm lulet e bajames. (fj. u.).
2. Muajt më të ftohtë të vitit; kund. verë, behar. Dimër e verë gjatë gjithë vitit, në çdo kohë të vitit, vazhdimisht. Doli vera e hyri (erdhi) dimri. Vjeshta e thatë ka dimër të madh. (fj. u.). Dimrit iu bëj gati që në behar, e beharit që në dimër. (fj. u.).
3. Kohë e ftohtë dhe e keqe, zakonisht me dëborë; kund. behar. Bën dimër. Ç'është ky dimër që na zuri! Dimri ha gurë. (fj. u.). Dimri zbraz hambarët. (fj. u.).
4. si ndajf. (në r. dh. të numrit njëjës të shquar). Gjatë dimrit, në dimër. Dimrit shtegtonin në fusha. Zbrisnin dimrit.
♦ M’u bë dimër i dytë (dikush) keq. më mërziti shumë, më është ngjitur pas e nuk më lë rehat; m’u bë plesht në vesh; m’u bë pullë; m’u bë baltë pas këpuce; m’u bë bajgë pas opinge bised.; m’u bë pallaskë pas brezit. Ta bën dimrin *behar (verë) (dikush). S’i bën koka dimër (dikujt) keq. nuk i bëhet vonë për asgjë, e merr jetën si t’i vijë, nuk shtie merak; nuk e vret shumë mendjen (dikush); s’e bën qejfin qeder (dikush). Më sa dëgjohet *qyqja në dimër. Kërkon *thana (dardha, rrush, fiq) në dimër (në shënëndre) (dikush). I lulëzon (i lulon) *bahçja (edhe) në dimër (dikujt). I mbushet bahçja me *bar edhe në dimër (dikujt). Na rrofsh për dimër (se për verë jemi vetë)! iron. ta kemi nevojën në kushte të vështira dhe jo atëherë kur nuk na duhesh, na ndihmo kur kemi nevojë ne edhe në vështirësi.
DIMËRÁK,~E mb. 1. Që piqet në dimër; që jeton, ruhet edhe në periudhën e dimrit. Pjepër dimërak. Rrush dimërak.2. fig. Që ka lindur në stinën e dimrit.
Shfaq përkufizimin e plotë →DIMËRÁK,~U m. sh. ~Ë, ~ËT 1. zool. (lat. Fringilla montifringilla; fritigilla coelebs) Zog bore; borës; zborak.2. bot. Frutë që piqet në dimër. Preu një dimërak.
Shfaq përkufizimin e plotë →DIMËRÍM,~I m. 1. Veprimi kur dimëroj (kryesisht për dikë që vjen nga një vend tjetër me bagëti, me bletë etj.) Bën dimërimin. Përgatitet për dimërim. U nis për dimërim.2. Dërgim i …
Shfaq përkufizimin e plotë →DIMËRKÉQ,~E mb. Që është shumë i ftohtë, i acartë dhe me borë. Mot dimërkeq.
Shfaq përkufizimin e plotë →DIMËR/ÓJ vep., ~ÓVA, ~ÚAR 1. jokal. Kaloj a shkoj dimrin në një vend (kryesisht për dikë që vjen nga një vend tjetër me bagëti, me bletë etj.). Dimëruan në fushë (në mal, në vërri)…
Shfaq përkufizimin e plotë →DIMËRÓR,~E mb. 1. Që i përket dimrit, i dimrit; që bëhet në dimër, që vijon gjatë dimrit; që është karakteristik për stinën e dimrit. Pushimet dimërore. Gjumë dimëror letargji. Spo…
Shfaq përkufizimin e plotë →DIMËRÓR,~I m., vjet. Dhjetor. U mblodhën në dimëror.
Shfaq përkufizimin e plotë →DIMËRÓR/E,~JA f. sh. ~E, ~ET 1. Dardhë që rron gjatë dhe piqet në dimër. I pëlqente shumë dimëroret.2. Dhomë me zjarr, ku rrihet zakonisht në dimër. Flinin zakonisht në dimërore.
Shfaq përkufizimin e plotë →DIMËRÚES,~E mb. Që kalon dimrin; që përballon të ftohtët e dimrit, që i qëndron kohës së keqe të dimrit. Zogj dimërues. Kandërr dimëruese.
Shfaq përkufizimin e plotë →DIMËRÚJK,~U m. Dimër i vështirë, dimër i egër. Sivjet kaluam një dimërujk.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë